کاپیسا ولایتی بوییچه جنجللرنی حل قیلیش آمری قوراللی کیشی‌لری بیلن محلی بیر خبرچی و بیر کمره‌مین نی کلتک‌لگن.
دانش تلویزیونی نینگ خبرچیسی مقبول نوری و کمره‌مین نی کاپیسا ولایتی بوییچه جنجللرنی حل قیلیش آمری عبدالوارث قاضی و اونگه تیگیشلی قورالی کیشی‌لر تامانیدن کلتک‌لنیب و ۲ ساعت قماققه آلینگن.
جناب نوری نینگ سلام‌وطندارگه ایتیشیچه، دولتی ییرلر غصب ایتیلیشی خصوصیده گزارش تیارلش اوچون کاپیسا ولایتی‌گه بارگن، بیراق غصب ایتیلگن ییرلردن تصویر آلگنی سبب، اوشبو ولایت بوییچه جنجللرنی حل قیلیش آمری تامانیدن کلتکلنگن.
مقبول نوری نینگ تاکید قیلیشیچه، حکومت اوشبو مسوولی وسایل‌لرینی آلیب و اوزلرینی ۲ ساعت محبوس قیلگن.
عین‌حالده، کاپیسا حاکمی عبداللطیف مراد نینگ بو خبرنی تصدیق‌لب سلام‌وطندارگه ایتیشیچه، اوشبو ولایت محلی اداره‌سی بو موضوعی تیکشیره‌دی.
کابل شمالی ده فعالیت قیله‌دیگن خبرچی‌لر گاه‌گاهی معلومات‌لرنی قولگه کیلتیریشی خصوصیده قیین‌چیلیکلر بیلن روپه‌ره بوله‌دی و اوشبو قیین‌چیلیکلر محلی مسوول‌لری نینگ شخصی عقده آلیش‌لریگه سبب بوله‌دی.