نماینده‌لر کینگش اعضالری بوگون ( دوشنبه) حکومت نینگ ۸ نامزد وزیری و ملی خوفسیزلیک ریاست باشلیغی گه ایشانچ آواز بیریش اوچون صندوق قویگنلر. نماینده‌لر کینگش اعضالری ۸ نامزد وزیردن ۶ نامزد وزیرگه ایشانچ آواز بیریب، ۲ نامزد وزیرگه ایسه ایشانچ آواز بیرمه‌گنلر.
نمانیده‌لر کینگش اعضالری نینگ ۲۴۶ ته سیدن ۲۴۴ ته سی کینگش ده حاضر بولیب، هر بیر نامزد وزیر یوتوققه ایریش اوچون ۱۲۳ آواز نی نصاب تعین قیلگنلر.
مملکت ملی خوفسیزلیک ریاستی نینگ نامزدی احمد ضیا سراج ۲۲۰ ایشانچ آواز، کانلر و پترولیم وزیرلیگی نینگ نامزد وزیری هارون چخانسوری ۱۵۴ ایشانچ آواز، زراعت وزیرلیگی نینگ نامزد وزیری انورالحق احدی ۱۸۹ ایشانچ آواز، مهاجرلر وزیرلیگی نینگ نامزد وزیری نورالرحمان اخلاقی ۱۶۵ ایشانچ آواز، ترانسپورت وزیرلیگی نینگ نامزد وزیری قدرت الله ذکی ۱۶۵ ایشانچ آواز، شهرلرنی قوریش وزیرلیگی نینگ نامزد وزیری محمود کرزی ۱۵۴ ایشانچ آواز، عامه فایده لنیش وزیرلیگی نینگ نامزد وزیری نجیب الله یمین ۱۴۹ ایشانچ آواز نماینده لر کینگش اعضالریدن قولگه کیلتیریب، حکومت نینگ وزیرلری صفتیده تنلنگنلر.
معلومات و مدنیت وزیرلیگی نینگ نامزد وزیری محمد طاهر زهیر ۷۸ ایشانچ آواز و عیاللر وزیرلیگی نینگ نامزد وزیری حسینه صافی ۱۱۹ ایشانچ آواز قولگه کیلتیریش بیلن، نماینده لر کینگش تامانیدن تعین لنگن ۱۲۳ ایشانچ آواز نصابی نی تولدیریشده قادر بولمه‌گنلر.
انه شوحالده نماینده‌لر کینگش باشلیغی میر رحمان رحمانی، جمهور رئیس محمد اشرف غغنیدن اوشبو ایکی وزیرلیککه باشقه کیشی‌لر نی تانیش تیریشینی سوره‌گن.
نماینده لر کینگش اعضالری آواز بیریش پروسه سی نینگ دوامی بولگن، و حاضر گچه نماینده لر کینگش اعضالری ۱۷ نامزد وزیرگه ایشانچ آواز بیرگنلر.
