غور ولایتیده کرونا ویروسی‌گه چلینگن‌لرنی درمانلش مرکزده فعالیت قیله‌دیگن داکترلردن بیرقطاری نینگ ایتیش‌لریچه، افغانستانده یوز بیرگن سونگی واقعه باعث، ایش‌لرینی قولدن بیریب و ایکی آی‌لیک حقوقلری توللنمه‌گن.
نوراحمد حبیبی غور مرکزی فیروزکوه شهریده کووید ۱۹ کسلخانه‌سی داکترلریدن بیری دیر. اونینگ ایتیشیچه، مملکت‌نی طالبان قولی‌گه سقوط قیلگنی و کرونا ویروسی بولیمی‌ده دنیا بانکی نینگ مالی هزینه‌سی توخته‌تیلگنی سبب، ایشی‌نی قولدن بیرگن.
جناب حبیبی نینگ سلام‌وطندارگه ایتیشیچه، ایکی آی‌لیک حقوقی قالگن و قولگه کیلتیره آلمه‌یدی.
کووید ۱۹ کسلخانه‌سی باشلیغی محمدشریف قاضی‌زاده و غور ولایتی بوییچه ساغلیق‌نی سقلش ریاستی نینگ طالبان تامانیدن تعیین‌لنگن رییسی احسان‌الله نینگ ایتیشیچه، مملکت‌ده یوز بیرگن سونگی واقعه و بودجه یوق‌لیگی باعث، اوشبو ولایت کووید ۱۹ کسلخانه‌سی نینگ ۷۰% ایشلاوچی‌لری CHA موسسه‌سی تامانیدن رخصت قیلینگن.
اولرنینگ ایتیش‌لریچه، کسللرگه آزیق-آوقات توزیع ایتیلمه‌یشی، داکترلرنینگ حقوقلرینی توللنمه‌یشی و آکسیجن کم‌لیگی غور کووید ۱۹ کسلخانه‌سیده بولگن باشقه قیین‌چیلیکلردن دیر.
غور ده CHA موسسه‌سی نینگ ولایتی دفتری تخنیکی مسوولی سیدفقیرشاه فقیری نینگ ایتیشیچه، مملکت‌ده یوز بیرگن سونگی واقعه سبب، ایشلاوچی‌لریدن بیرقطاری‌نی رخصت قیلگنلر.
غور ساغلیک مسوول‌لری نینگ ایتیش‌لریچه، بو ولایت‌ده بولگن قیین‌چیلیکلرنی مرکز و خلق ارا ساغلیک تشکیلاتی بیلن شریک قیلگنلر و درمانی خذمت‌لرنی یخشی‌لنتیریش اوچون سعی و حرکت‌لرنی دوامی بار.
