ایران تشقی ایشلر وزیری محمد جواد ظریف، افغانستان خصوصی میدیالری بیلن صحبت اوتکزیب، آمریکا و طالبان گروهی آره‌سیده امضالنگن شرطنامه آمریکا جمهور رئیسی دونالد ترامپ نینگ سیلاو برنامه‌سی ایدی و امضالنگن شرطنامه افغانستان کیله‌جگی اوچون ضرر ییتکیزیشی ممکن دیگن.
جناب ظریف‌گه کوره، انه‌شو باعث قطر اولکه‌سی نینگ دوحه شهریده‌گی ییغینی‌گه قتنشمه‌گن.
لیکن، سیاسی ایش بیلرمانلر، ایران تشقی ایشلر وزیری نینگ صحبت‌لری توغریسیده فرقلی فکر بیلدیره‌دیلر. بیرقطار سیاسی ایش بیلرمانلرنینگ ایتیش‌لریچه، آمریکا بیلن طالبان گروهی آره‌سیده امضالنگن شرطنامه تینچلیک اوچون جوده اونملی بولگن، بیراق باشقه بیر قطار سیاسی ایش بیلرمانلر ایسه جناب ظریف نینگ سوزلرینی تأیید ایتیب، امضالنگن شرطنامه وضعیتنی کوپینچه یمان‌لشتیریشی‌نی ایته‌دیلر.
سیاسی ایش بیلرمانلردن بیری جماالدین بدرنینگ ایتیشیچه، قطار اولکه‌لر اوروشدن کیین تینچلیک کیلیشونامه امضا قیلگنلر، لیکن امضالنگن کیلیشونامه عملگه آشیریلمه‌گنی اوچون اوروش قیته‌دن شدت‌لنگن.
جناب بدر نینگ ایتیشیچه، آمریکا و طالبان گروهی آره‌سیده کیلیشونامه امضالنگنیدن بویان اولکه ده اوروش و زوروانلیک کون اوتیب کوپه‌یگن اوشبو موضوع افغانستان و حکومتی‌نی جدی صورتده خواطرگه سالگن.
اونینگ کوپه‌یتیریشیچه، وضعیت شونده‌ی دوام ایتیب و تینچلیک مذاکره‌سی دوام تاپگن حالده، آمریکا بیلن طالبان گروهی آره‌سیده، امضالنگن کیلیشونامه کیله‌جک اوچون فایده‌لی بولمه‌یدی و جواد ظریف نینگ فکری احتمالا توغری بوله‌دی.
انه‌شوحالده، باشقه بیر سیاسی ایش بیلرمان محب‌الله شریفی نینگ ایتیشیچه، ایران و آمریکا افغانستان نفی‌گه ایش قیلمه‌یدیلر و اوشبو ایکی اولکه اوز منفعتی اوچون تلاش قیله‌دیلر و افغانستاندن هم منفعت‌لری اوچون ایش قیلیش‌نی کوته‌دیلر.
جناب شریفی‌گه کوره، ایران بیلن آمریکا آره‌سیده قیین‌چیلیک بولگنی باعث، ایران تشقی ایشلر وزیری جواد ظریف، آمریکا بیلن طالبان گروهی آره‌سیده امضالنگن کیلیشونامه‌دن تنقید ایته‌دی.
ایتیش لازم که بوندن آلدین هم آمریکا بیلن طالبان گروهی آره‌سیده، امضالنگن کیلیشونامه خصوصیده خواطر بولگن ایدی.
