خبرگزاری دولتی تاجیکستان (خاور) گزارش داده که وزارت داخلۀ این کشور خبر ایجاد پایگاه نظامی چین در خاک تاجیکستان را رد کرده و گفته است، ایجاد چنین پایگاهی در دستور کار نیست.

طبق گزارش خبرگزاری خاور، وزارت داخلۀ تاجیکستان اعلام کرده است که خبر ایجاد پایگاه نظامی چین در خاک این کشور و در نزدیکی مرز با افغانستان صحت ندارد. این وزارت در بیانیه‌یی گفته است: «اطلاعات مبنی بر ایجاد پایگاه نظامی چین در تاجیکستان صحت ندارد و این موضوع در دستور کار روابط دوجانبه قرار نگرفته است.»

سلام‌وطندار فارسی را در فیس‌بوک دنبال کنید

وزارت داخلۀ تاجیکستان یادآوری کرده است که در چارچوب توافق میان این وزارت و وزارت امنیت عمومی چین، قرار است رزمایش مشترک نظامی دو کشور در ولایت بدخشان تاجیکستان برگزار شود. به گفتۀ این وزارت، همه تجهیزات و هزینه‌های لازم در طول رزمایش مشترک توسط چین تأمین می‌شود.

سلام‌وطندار فارسی را در توییتر دنبال کنید

این در حالی‌ست که خبرگزاری رویترز به نقل از پارلمان تاجیکستان روز پنج‌شنبۀ هفتۀ گذشته گزارش داده بود که قرار است دولت چین هزینۀ ساخت یک پایگاه برای واحد نیروهای ویژۀ پولیس این کشور را در نزدیکی مرز تاجیکستان و افغانستان تأمین ‌کند.

مرتبط با این خبر:

به اشتراک بگذارید:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
تحلیل‌های مرتبط

اخبار و گزارش‌های سلام وطن‌دار را از شبکه‌های اجتماعی دنبال کنید: