خبرگزاری آسیا پلوس گزارش داده که محمدعمر آسوزاده، رئیس شرکت ملی برق تاجیکستان، روز گذشته (سه‌شنبه، بیست‌ویکم سرطان) در یک نشست خبری گفته افغانستان هنوز بدهی برق وارداتی خود را نپرداخته است.
او گفته است که شرکت برق‌رسانی افغانستان یا برشنا، بدهی خود را به‌طور تدریجی می‌پردازد. رئیس شرکت ملی برق تاجیکستان میزان بدهی افغانستان را اعلام نکرده است.
سلام‌وطندار فارسی را در فیسبوک دنبال کنید
او تأکید کرده است که تاجیکستان هم‌اکنون روزانه ۹ میلیون کیلووات برق در ساعت به افغانستان صادر می‌کند.
رئیس شرکت ملی برق تاجیکستان در ماه جنوری سال جاری میلادی اعلام کرده بود که افغانستان ۳۳ میلیون دالر از این کشور بابت واردات برق بدهکار است.
سلام‌وطندار فارسی را در توییتر دنبال کنید
شرکت برق‌رسانی افغانستان در آن زمان قول داده بود که بدهی برق خود را در ماه فبروری سال جاری به تاجیکستان پرداخت می‌کند.
براساس گزارش‌ها، تاجیکستان سال گذشته در مجموع به هزینۀ ۵۶.۳ میلیون دالر برق به افغانستان صادر کرده است.
