یو شیاویونگ، نماینده‌ی ویژه‌ی چین برای افغانستان، در دیدار با امیرخان متقی، سرپرست وزارت امور خارجه، از او برای اشتراک در نشست آینده‌ی وزیران امور خارجه‌ی کشورهای همسایه‌ی افغانستان دعوت کرده است. این موضوع را ضیااحمد تکل، معاون سخن‌گوی وزارت امور خارجه، امروز با پخش خبرنامه‌ای در حساب کاربری اکس خود بیان کرده است.
وزارت امور خارجه‌ی افغانستان، اعلام کرده که امیرخان متقی، سرپرست این وزارت، در رأس یک هیئت برای اشتراک در نشست وزیران امور خارجه‌ی کشورهای همسایه‌ی افغانستان در سمرقند، راهی اوزبیکستان شده است. چهارمین نشست وزیران امور خارجه‌ی کشورهای همسایه‌ی افغانستان، امروز در شهر سمرقند اوزبیکستان برگزار می‌شود.
در ادامه‌‌ی نشست‌های منطقه‌ای و جهانی در باره‌ی بحران سیاسی جاری در افغانستان، قرار است چهارمین نشست وزیران امور خارجه‌ی کشورهای همسایه‌ی افغانستان، پنج‌شنبه‌ی همین هفته در شهر سمرقند اوزبیکستان برگزار شود. در این نشست که با حضور روسیه، چین، ایران، پاکستان، تاجیکستان، ترکمنستان و اوزبیکستان برگزار می‌شود، نگرانی‌های امنیتی از ناحیه‌ی افغانستان و حل بحران سیاسی این کشور، به بحث گرفته خواهد شد.
درباره سلام وطن‌دار
سیاست نشراتی و اصول مسلکی
سیاست حریم خصوصی
تماس با ما
فرصت‌های شغلی
ارسال معلومات و اسناد
شرایط همکاری با ما
شکایت
برنامه‌های رادیویی
فلم و عکس
آر اس اس
اشتراک در خبرنامه
