مرزبانان ایرانی با گلوله‌باری مانع پاک‌کاری سواحل دریای هلمند در مرز نیمروز شدند
نعمت‌الله صدیقی، عضو شورای ولایتی نیمروز به سلام‌وطندار می‌گوید که بر بنیاد برنامۀ سالانۀ ریاست عمومی تنظیم امور آب، پس از چاشت امروز کارگران این ریاست در منطقۀ «گودر عبدالرحمن» در غرب شهر زرنج، مرکز این ولایت در حال تحکیم‌کاری و پاک‌کاری سواحل دریای هلمند بودند که این اقدام کارگران افغان، به گلوله‌باری مرزبانان ایرانی روبه‌رو شده است.