نگرانی باشنده‌گان بغلان از کنترل سه شاهراه این ولایت توسط طالبان

بیش از ده روز می‌شود طالبان در شاهراه‌های بغلان_کندز، بغلان_کابل و بغلان_سمنگان، ایست‌های بازرسی ایجاد کرده‌اند و به بازجویی مسافران می‌پردازند. باشنده‌گان شهر پلخمری، مرکز بغلان با ابراز نگرانی می‌گویند که بسیاری وقت‌ها این شاهراه‌ها به‌دلیل درگیری‌ها بسته می‌شود و طالبان به بازجویی مسافران می‌پردازند و در پی کارمندان دولتی و نظامیان می‌باشند.