وزارت امور خارجه اعلام کرده که امیرخان متقی، سرپرست این وزارت، در رأس یک هیأت برای شرکت در نشست بین‌المللی اوزبیکستان رهسپار تاشکند، پایتخت این کشور شده است.
وزارت امور خارجه گفته است که هیأتی از امارت اسلامی به دعوت اوزبیکستان در این نشست شرکت می‌کند. قرار است نشست بین‌المللی اوزبیکستان زیر عنوان «امنیت، رشد اقتصادی و اتصال منطقه‌یی افغانستان» فردا و پس‌فردا برگزار شود.
سلام‌وطندار فارسی را در فیسبوک دنبال کنید
براساس گزارش‌ها، نماینده‌گان بیش از ۲۰ کشور و سازمان‌های بین‌المللی در این نشست حضور خواهند داشت.
وزارت امور خارجۀ اوزبیکستان گفته که هدف از برگزاری نشست فردا روی‌دست‌گرفتن اقدامات و پیشنهادات برای روی‌کردهای جامعۀ جهانی و ارتقای ثبات، امنیت و بازسازی پس از جنگ در افغانستان است.
