بر بنیاد گزارشها، شوکت میرضیایف، رییسجمهور اوزبیکستان، در دیدار رهبران کشورهای آسیای میانه با دونالد ترامپ، رییسجمهور امریکا، او را «رییسجمهور جهان» خوانده است.
میرضیایف، گفته که ترامپ تا کنون هشت جنگ را متوقف کرده و تنها کسی است که میتواند جنگ اوکراین و روسیه را نیز حلوفصل کند.
ریاستجمهوری اوزبیکستان، نیز در بیانیهای نوشته که میرضیایف با ترامپ در بارهی گسترش هرچه بیشتر روابط، شراکت راهبردی میان اوزبیکستان و ایالات متحده، تقویت گفتوگوی سیاسی و توسعهی همکاریهای بازرگانی-اقتصادی، گفتوگو کرده است.
رییسجمهور امریکا، روز پنجشنبه، ۶ نومبر، با رهبران قزاقستان، قرقیزستان، تاجیکستان، ترکمنستان و اوزبیکستان در کاخ سفید دیدار کرده است.
