اسلام امیرلیگی تشقی ایشلر وزیرلیگی، امریکانینگ کېله‌جک دولتی حقیقت‌لر گه اساسلنیب افغانستان بیلن اۉز ارا همکارلیک قیلیشنی اېسته‌گن.
تشقی ایشلر وزیرلیگی سۉزلاوچیسی عبدالقهار بلخی، ۱۶-عقرب، چهارشنبه کونی کیچ قورون ایکس صحیفه‌سیده بیر بیانیه ترقه‌تیب، اسلام امیرلیگی موازنتلی تشقی سیاستی اساسیده، ایکّی مملکت اۉز ارا همکارلیک قیلیش اوچون ینگی فصل آچیش گه امیدوار اېکنلرینی یازگن.
بیزلرنینگ فیسبوک صحیفه‌میزگه باش اورینگ!
بیانیه‌ده کېلیشیچه: «تشقی ایشلر وزیرلیگی، امریکا جمهورلیک ریاستی سیلاو نتیجه‌سی اعلام بولگچ، بو مملکت‌نینگ کېله‌جک حکومتی ایکّی مملکت‌نینگ مناسبت‌لری مستحکم‌لنیشی گه سبب بوله‌دیگن حقیقت‌لر گه اساسلنیب همکارلیک قیلیشی کېره‌ک.»
تشقی ایشلر وزیرلیگی سۉزلاوچیسی‌نینگ کوپه‌یتیریشیچه، اسلام امیرلیگی و امریکا قۉشمه ایالتلری اۉرته‌سیده دوحه کېلیشووی دونالد ترامپ جمهورلیک ریاستی دوریده امضالندی و اوندن کېین اېسه افغانستان‌ده بو مملکت‌نینگ ۲۰ ییللیک باسیمی گه چېک قوییلدی.
بیزلرنینگ «ایکس» ترماغی ده هم تعقیب قیلینگ!
امریکا جمهورلیک ریاستی سیلاوی‌ده جمهوری‌خواه حزبی نامزدی دونالد ترامپ، اۉتگن کون ۲۷۷ الکترال کالج آواز آلیش بیلن، بو مملکت‌نینگ قیرق ییتینچی جمهور باشلیغی صفتیده تنلندی.