مرکزی بانک نینگ عامه رابطه‌لر ایش‌لری بوییچه مصلحتچی‌سی یما سیاووش و ایکی یولداشی پارتلش سببلی اولگنی خصوصده مرکزی بانک معلومات بیرمه‌گنی اوچون کوپینچه تنقیدی گزارش‌لر ترقه‌تیلگنیدن کیین، معلومات‌گه قول تاپیش کمیسیونی، مرکزی بانک نی معلومات گه قول تاپیش قانون‌نی ایاق آستی قیلیشده عیب‌لگن.
معلومات‌گه قول تاپیش کمیسیونی باشلیغی عین‌الدین بهادری نینگ ایتیشیچه، مرکزی بانک هیچ بیرزمان معلومات‌لرنی ژرونالیست‌لر شریک قیلمه‌گن.
اونینگ کوپه‌یتیریشیچه، بوندن آلدین هم مرکزی بانک معلومات‌لرنی شریک قیلیش خصوصده یاردمچی بولمس ایدی.
معلومات‌گه قول تاپیش کمیسیون عضوی حمدالله ارباب نینگ ایتیشیچه، معلومات‌گه قول تاپیش قانونی اساسی‌گه کوره، دولتی نهادلر معلومات بیریشده مجبور بولگن‌لر.
مرکزی بانک ایشلاوچیسی یما سیاووش و یوداشلری نینگ اولیمیدن ۱۵ کون اوتیشی بیلن هم مرکزی بانک اولر نینگ اولیمی حقیده دستلب کی معلومات‌نی حتی پارتلش ماده قیسی شکلده موترگه ییرلشتیریلگنی خصوصده خلققه و عایله اعضاسی‌گه معلومات بیرمگن.
قربان بولگن‌لر عایله‌لری اینیقسه یما سیاووش نینگ عایله‌سی، مرکزی بانک و امنیتی نهادلر واقعه توغری سیده معلومات بیرمسلیک‌لری سوراق‌لر اورته‌گه چیقیش‌گه سبب بولیشی‌نی ایته‌دیلر.
مرکزی بانک معلومات بیرمسلیگی خصوصده قطار گزارش‌لر ترقه‌تیلگنیدن کیین اوتگن کیچه اوشبو بانک بیر اعلامیه آرقه‌لی، بانک کمره‌لری نینگ ویدیولری امنیتی نهادلر اختیاری‌گه تاپشیریلگنی نی ایتگن.
