آمریکا تشقی ایشلر وزیرلیگی مذکور مملکت یشاوچیسی مارک رندال فرریکس Mark Randall Frerichs، توغریسیده معلومات بیریش اوچون ۵ میلیون دالر مکافات تعیین قیلگن.
کابل بوییچه آمریکا ایلچی‌خانه‌سی نینگ معلوماتی اساسید، مارک رندال فرریکس کمیده بیر ییل آلدین (میلادی ۲۰۲۰- ییل فبروری آیی) کابل ده درک‌سیز یوقالگن. او درک‌سیز یوقالگونگه قدر کابل ده حیات کیچیرماقده ایکن. مذکور آمریکا یشاوچیسی ۲۰۱۰- ییل افغانستان کیلیب و اوشه پیتدن بویان بنا قوریش بیر شرکت بیلن همکارلیک قیلماقده ایکن.
کابل بوییچه آمریکا ایلچی‌خانه‌سی نینگ ایتیشیچه، مارک رندال فرریکس یاشیریلگن ییری تاپیلیشی اوچون معلومات بیرگن کیشی گه بوتونلی مکافات توللنه‌دی و شونینگدیک مذکور کیشی نینگ کیم‌لیگی سِر قاله‌دی.
کابل بوییچه آمریکا ایلچی‌خانه‌سی سوزلاوچیسی هیلاری فولر رینر نینگ سلام‌وطندارگه ایتیشیچه، افغانستان ۳۴ ولایتیده‌گی برچه کیشیلر ایچکی تلیفون رقمی‌لری و اجتماعی ترماقلر آرقه‌لی «عدالت اوچون مکافات» (RFJ) دفتری گه قول تاپه آله‌دیلر. اونگه کوره، «عدالت اوچون مکافات» وب سایتی گه تکلیف بیریلگن مکافات توغریسیده آرتیق تفصیلات بیریلگن.
آمریکا تشقی ایشلر وزیرلیگی نینگ معلوماتی اساسیده، «عدالت اوچون مکافات» برنامه‌سی میلادی ۱۹۸۴- ییل ده بو وزیرلیک آرقه‌لی یولگه قوییلدی کیم حاضرگچه آمریکالیک‌لرنینگ قوییب یوباریلیشی گه سبب بولگن ۱۰۰ دن آرتیق کیشی گه ۱۵۰ میلیون دالر توللنگن.
کابل بوییچه آمریکا ایلچی‌خانه‌سی سوزلاوچیسی نینگ کوپه‌یتیریشیچه، مذکور اوغیرلنگن کیشی نینگ توغریسیده معلوماتی بولگن هر بیر کیشی ۱۲۰۲۷۰۲۷۸۴۳+ رقمی بیلن واتساپ، تیلگرام و سیگنال آرقه‌لی «عدالت اوچون مکافات» دفتری گه پیام یوباره آله‌دیلر.
هیلاری فولر رینر نینگ ایتیشیچه، شونینگدیک هر بیر کیشی معلومات‌لرینی آمریکا فدرال پولیسی «اف‌بی‌آی» الکترونیکی آدرسی tips.fbi.gov گه یوباره آله‌دیلر و عین حالده، معلومات‌لرینی ۹۳۰۷۰۰۱۰۸۶۰۰+ تلیفون رقمی آرقه‌لی کابل ده آمریکا ایلچی‌خانه‌سی نینگ ساحه‌یی خوفسیزلیک مسئوللری بیلن شریک قیله آله‌دیلر.
بوندن آلدین آمریکا تشقی ایشلر وزیرلیگی سوزلاوچیسی ند پرایس، اوغیرلنگن کیشی ساغ و سالم اولکه گه قیتگونگه قدر هیچ قندی سعی و حرکتدن قول تارتمه‌سلیک‌لرینی بیلدیرگن ایدی. شو یوزه‌دن کابل بوییچه آمریکا ایلچی‌خانه‌سی سرپرستی راس ویلسن، جناب فرریکس اوغیرلنگنی نینگ ییل‌لیک مناسبتی بیلن افغانستان یشاوچی‌لریدن معلومات‌لری بولگن بیرحالده معلومات بیریش‌لرینی سوره‌گن.
مارک رندال فرریکس نینگ درک‌سیز یوقالگنی یا-ده اوغیرلنگنی نی دلیلی بیللی ایمس. آمریکا نینگ اوشبو آق تانلی یشاوچیسی نی ۱۸۰ سانتی متر بویی بار. اونینگ ساچ‌لری قهوه‌یی رنگ و کوزلری ایسه عسلی دیر. مذکور کیشی نینگ اوغیرلنگن زمانی ۸۵ کیلوگرام آغیرلیگی بار ایکن.
