ننگرهار محلی مسئوللری نینگ ایتیش‌لریچه، انعکاس خصوصی تلویزیونی نینگ خبرچیسی ملالی میوند ناتانیش قوراللیلر آرقه‌لی اولدیریلگن. شونینگدیک مذکور حادثه‌ده اونینگ هیداوچیسی طاهر هم هلاک ایتیلگن.
ننگرهار حاکمی سوزلاوچیسی عطاالله خوگیانی نینگ ایتیشیچه، اوشبو حادثه بوگون (پنج‌شنبه ۲۰- قوس) ایرته‌لب ساعت ۷ اطرافیده ملالی میوند هیداوچیسی بیلن دفتری تامان کیته‌دیگن بیرچاغده، جلال‌آباد شهری نینگ «گولایی عربان» منطقه‌سیده یوزبیرگن.
حادثه مسئولیتی نی حاضرگچه بیرار گروه یا-ده شخص بوینیگه آلمه‌گن.
ملالی میوند باشقه رسانه‌لرده ایشلب و شونینگدیک اجتماعی فعالیت‌لرهم قیلگن ایکن.
انعکاس تلویزیونی مسئوللری نینگ ایتیش‌لریچه، ملالی میوند و اونینگ هیداوچیسی دفتر گه کیره‌دیگن بیرچاغده، نشانگه آلینگن.
ایتیش کیره‌ک کیم کمیده بیر آی آلدین، هلمند ولایتی نینگ لشکرگاه شهریده آزادلیک رادیوسی نینگ خبرچیسی الیاس داعی موتری گه جایلشتیریلگن یاپیشقاق ماین پارتله‌شی عاقبتیده هلاک ایتیلدی.
جاری ییل ۱۷- عقرب آیی‌ده مرکزی بانک عامه علاقه‌لر مصلحتچیسی و طلوع نیوز نینگ سابق خبرچیسی یما سیاووش، بیر پارتلش عاقبتیده ایکی ایشداشی بیلن هلاک ایتیلگن ایدی.