بدخشان ده بیر موتر قولشی عاقبتیده سکیز کیشی هلاک بولیب و باشقه ایکّی کیشی یره‌لنگن.
بدخشان ولایتی امنیه قوماندان‌لیگی نینگ مطبوعاتی دفتری بیر بیانیه ترقه‌تیب ایتیشیچه، ۳-حمل، جمعه کونی توش‌دن آلدین، «فلانکوچ» رسوملی بیر موتر مذکور ولایت نینگ شغنان تومنی «درما رخت» قیشلاغی‌ده سرک‌دن چیقیب قوله‌گن.
بیزلرنینگ فیسبوک صحیفه‌میزگه باش اورینگ!
بیانیه اساسیده، واقعه ده سکیز کیشی هلاک بولیب و باشقه ایکّی کیشی یره‌لنگن.
بیانیه ده، واقعه طفیلی ۉلگنلردن ایکّی نفری بدخشان ولایتی شغنان تومنی امنیه قوماندان‌لیگی نینگ ایکّی رسمی‌سی بولیب و برچه‌سی اېرکک اېکن‌لیگی قید اېتیلگن.
مذکور یولاوچی تاشووچی موتر شغنان تومنیدن بدخشان مرکزی فیض‌آباد تامان باریش پیتیده سرک‌دن چیقیب قوله‌گن.
بیزلرنینگ «ایکس» ترماغی ده هم تعقیب قیلینگ!
ایتیش کېره‌ک، مملکت نینگ قطار ولایت‌لری جمله‌دن بدخشان‌ده یوللر بوزوق‌لیگی، تارلیگی و هیداوچیلر نینگ دقت‌سیزلیگی باعث انده-سنده بو کبی واقعه‌لر یوز بیریب و یشاوچیلردن قربان‌لیک آله‌دی.
