ملی مصالحه عالی کینگشی نینگ ایکینچی ییغینی ۲۱ کوندن کیین سپیدار قصریده یولگه قوییلدی، اوشبو ییغینده کینگش یولاوچیلیک اعضالری اشتراک قیلگنلر. اوشبو ییغینده جهادی رهبرلردن بولمیش عبدالرب رسول سیاف و کینگش یولاوچیلیک هیات‌لری صحبت اوتکریب، بوندن بویان تینچلیک اوچون کیشی‌لر ایری تلاش قیلمه‌ی، بیرلیکده ملی مصالحه آدرسی تامانیدن تلاش قیلیش لازم دیگن.
سیاف جنابلری، کیشی یا-ده گروه دن آت توتمه‌ی، لیکن جانبی سعی و حرکت‌لر مذاکره قیلووچی هیأت‌لر موقفی‌نی کوچ‌سیز قیلیشی‌نی بیلدیرگن.
لیکن، سابق جمهور رئیس نینگ اورین باسری و ملی مصالحه کینگشی نینگ ییریک عضوی محمد یونس قانونی نینگ ایتیشیچه، تینچلیک مذاکره‌نی آلغه آلیب باره‌دیگن هیات‌لرنینگ ساختاری کامل ایمس. جناب قانونی‌گه کوره، کوپینچه تانیقلی و تاثیرلی کیشی‌لر هیات ایچیده بولگن، لیکن حاضرهم کوپینچه کیشی‌لرنی اورنی بوش دیر.
جناب قانونی، ملی مصالحه کینگشی نینگ سلیقوی حرکتیدن تنقید قیلیب ایتیشیچه، افغانستان اسلامی وحدت حزبی نینگ رهبری محمد کریم خلیلی انه‌شو باعث، ملی مصالحه کینگشی نینگ ایکینچی دور ییغینیده قتنشمه‌گن. جناب قانونی نینگ ایتیشیچه، بیرقطار کیشی‌لر نینگ فکر و توشونچه‌لری قصدا سانسور بوله‌دی.
بوندن آلدین جهادی گروه‌لر رهبرلریدن بیر قطاری طالبان گروهی بیلن سوزلشیش اوچون بیر گروه تشکیل بیریشی ایتیلماقده ایدی. اوشبو موضوع یانیده خلق حکومت مسول‌لری و قطار تانیقلی سیمالر اوز فکریگه کوره حرکت قیلیش‌لری نینگ شاهدی بولگن.