سلام‌وطندار نینگ کابل، غور، هرات و سمنگان ولایت‌لریده سوداگر و صناعت‌کار ۲۳ عیال بیلن اوتکزگن صحبتی اساسیده، مذکور عیاللر دن ۱۷ ته‌سی نینگ سوداگرلیک ایشلری و فعالیت‌لری تنزل گه یوز توتگن.
اوشبو عیاللر نینگ سلام‌وطندار گه ایتیشلریچه، سرپرست حکومت تامانیدن عیاللر گه یره‌تیلگن چیکلاولر و ایش بازاری یوق‌لیگی باعث اولر نینگ سوداسی و درآمدی مثل‌سیز درجه ده کمه‌یگن.
صناعت‌کار عیاللر گه کوره، اوشبو جریان دوام ایتگن تقدیرده اولر اوز ایشلری گه چیک قوییش‌لری ممکن.
سوداگر و صناعت‌کار عیاللر سودالری و درآمدلری کمه‌یشی عامللرینی بیللی قیلیب ایتیشلریچه، اولر عیاللر گه یره‌تیلگن چیکلاولر باعث ایچکی کورگزمه‌لرده کم اشتراک قیلیب و تشقری کورگزمه‌لرده اشتراک قیلیش اوچون سفر قیلیش‌لری گه رخصت بیریلمه‌یدی.
اولر گه کوره، ایچکی کورگزمه‌لرده اشتراک قیلسه‌لرده، بیراق کورگزمه‌لرده عیاللر و ایرکک‌لر بولیمی علیحده بولیشی طفیلی اونچه‌لیک سودا قیلیشه آلمه‌یدی.
اوشبو عیاللر نینگ ایتیشلریچه، اولر گه باغلیق کوپ سانده دکان‌لر دم‌آلیش مکان‌لرده دیر و سرپرست حکومت تامانیدن یره‌تیلگن چیکلاولردن کیین دم‌آلیش مکان‌لرده عیاللر نینگ باریشی تقیق‌لنگن و اولر نینگ هیچ سوداسی یوق دیر.
صناعت‌کار و سوداگر عیاللر نینگ کوپه‌یتیریشیچه، عیاللر نینگ ایشی تقیق‌لنیشی، اقتصادی کوچ‌سیزلیک و سودالری کمه‌یشی، ایشلری کسادلیککه یوز توتیش عامل‌لریدن سنله‌دی.
بیزلرنینگ فیسبوک صحیفه‌میزگه باش اورینگ!
اوشبو عیاللر گه کوره، حاضر عیاللر یالغیز صناعت و سوداگرلیک ساحه‌سیده فعالیت قیلماقده ایکن؛ بیراق افغانستان بویلب برچه خاتین قیزلر گه یره‌تیلگن چیکلاولر اولر نینگ ایشلری اوستیگه سلبی تأثیر قیلگن.
اولر نینگ ایتیشلریچه، سونگی ایکی ییل گه نسبتن سابق توزوم ده ایشلری یخشی بولگن؛ بیراق توزوم اوزگریشی بیلن هر کونی ایشلری وضعیتی یامانلشیب بارماقده دیر.
کابل ده قول توقیمه بولیمیده ۲۰۰۹_ییل دن بیری فعالیت قیلیب کیلگن اطلس کمپنیه باشلیغی صالحه سخی‌زاده گه کوره، توزوم اوزگریشی و سوداگر عیاللر نینگ ایش بازاری یوق‌لیگی طفیلی تجارتی تنزل گه یوز توتیب و کمپنیه‌لریده ایشلب چیقره‌دیگن کییم_کیچیک‌لری قیمتی سیزیلرلی درجه پس توشگن.
او نینگ کوپه‌یتیریشیچه: «عیاللر نینگ ایش بازاری اونچه‌لیک یخشی ایمس، توزوم اوزگریشی بیلن سونگی ایکی ییل ده عیاللر نینگ ایش بازاری کسادلیککه یوز توتگن، ضرر کورگن عیاللردن میز، توزوم اوزگریشی ایشلریمیز اوستیگه سلبی تأثیر قیلدی، ایشلریمیز برابری ده ایریم چیکلاولر یره‌تیلگن.»
«هزاره» و «افغانی گند» کییم_کیچیک‌لری قول توقیمه بولیمیده سوداگر وحیده سلطانی حاضر بابر باغی ده دکاندارچیلیک قیلماقده ایتیشیچه، سابق توزوم ده هزاره‌لیک کییم_کیچک بازاری یخشی ایدی؛ بیراق حاضر سوداسی کمه‌یگن و دکان نینگ آی‌لیک اجاره‌سینی تاوان بیلن توله‌یدی.
او نینگ ایتیشیچه: «عیاللر گه یره‌تیلگن چیکلاولر طفیلی سودامیز کمه‌یگن، دکان اجاره‌سینی کیسه‌میز دن توله‌یمیز.»
شو بیلن بیرگه، سلام‌وطندار بیلن صحبت قیلگن عیاللردن باشقه بیرقطاری نینگ ایتیشلریچه، دم‌آلیش مکان‌لر ده عیاللر گه رخصت بیریلمسلیگی اولر نینگ ایشی اوستیگه تأثیر قیلیب و مشتری‌لری سانی سیزیلرلی درجه ده کمه‌یگن.
۲۰ ییل دن بیری کابل شهری بابر باغی ده «قالین بافی و صنایعی دستی خواهران» کمپنیه باشلیغی بی‌بی‌شیرین نینگ ایتیشیچه: «حاضر بابر باغی ده دکانیم بار و دم‌آلیش مکان‌لر ده عیاللر نینگ باریشی گه رخصت بیریلمه‌یدی، ایرکک‌لر کیلیب سودا قیلمه‌یدیلر، حاضر هم اوز دکانیم ده سوداگرلیک قیلماقده من، لیکن هیچ سودا یوق دیر.»
«باغ زنانه» ده دکانی بولگن قول توقیمه بولیمی ده سوداگر نسیمه مولازاده گه کوره: «کورگزمه‌لر عیاللر نینگ دم‌آلیش مکان‌لری گه یولگه قوییلمه‌یدی، باغ زنانه ده عیاللر هر هفته کیلر ایدیلر و جمعه کیچه‌لری تفریح قیلیشر ایدیلر و بیز ایسه سودا قیلر ایدیک.»
بونگه علاوه، سوداگر عیاللردن بیرقطاری نینگ ایتیشلریچه، عیاللر نینگ سفری تقیق‌لنیشی اولر نینگ سوداگرلیک ایشلری اوستیگه سلبی تأثیر قیلیب، ولایت‌لر و چیت ایل گه اولر نینگ صادرات و واردات جریانینی قیینچیلیک بیلن دوچ قیلگن.
دیانا سادات تجار در بخش لوازم آرایشی و گلیم و پریسا اقبال خانم که در گذشته تجارت در بخش وسایل خیاطی داشت و اکنون تجارت لباس دارد در مورد مشکلات و محدودیت های که در سفر کردن دارند می گویند.
بیزه‌لتیریش و گلیم بولیمی سوداگری دیانا سادات گه کوره: «تشقری چیقیشه آلمه‌یدی و اولر گه چیکلاو یره‌تیلگن و بونگه علاوه باشقه قیینچیلیک‌لر بار، مثلاً بیر عیال یالغیز اوزی تشقری چیقه آلمه‌یدی، ولایت گه سفر قیلیشیمیز کیره‌ک.»
سابق خیاط‌لیک بولیمی ده و حاضر کییم_کیچک سوداگری پریسا، سرپرست حکومت تامانیدن یره‌تیلگن چیکلاولر و سفرلری قیینچیلیگی باره‌سیده ایتیشیچه: «جمهوریت توزومی ده آسوده‌لیک بیلن پاکستان گه سفر قیلر ایدیک و حاضر ویزه آلیش قیین بولگن، محرم بولمسه ویزه بیریشمه‌یدی، شونی اوچون سوداگرلیککه چیک قویدیم.»
سلام‌وطندار بیلن صحبت اوتکزگن سوداگر و صناعت‌کار ۲۳ عیال دن بیرقطاری نینگ ایتیشلریچه، درآمد و سودالری بولسه ده؛ بیراق سودالری و درآمدلری جمهوریت توزومی گه نسبتن کمه‌یگن.
برچه‌سی بیلن، افغانستان سوداگرلیک و صناعت عیاللر اتاقی و افغانستان سوداگرلیک و سرمایه یاتقیزیش اتاقی، سوداگر عیاللر نینگ سودالری و درآمدلری کمه‌یشینی تصدیقله‌یدیلر و سوداگرلیک و سرمایه یاتقیزیش اتاقی، سوداگر و صناعت‌کار عیاللر ۵۰ فایز سودا قیلماقدهلیکلرینی معلوم قیله‌دی.
افغانستان سوداگرلیک و صناعت عیاللر اتاقی نینگ مدیره هیئتی عضوی همده ایش و پالیسی اورین باسری عایشه عزیز گه کوره، سرپرست حکومت سوداگر عیاللر گه ایشلش اجازه‌سینی بیرگن و اولر نینگ سانی جمهوریت توزومی گه نسبتن آشگن، سودالری و ایشلری کمه‌یگن.
بیزلرنینگ توییترده هم تعقیب قیلینگ!
او نینگ کوپه‌یتیریشیچه: «اولر نینگ ایشی ۱۰۰ فایز یخشی دیه آلمه‌میز، ایشلری برابری ده قیینچلیک‌لر بار، بیراق ایرکک‌لر ساتیب آله‌دیلر و سودا آلیش اوچون عیاللر یوق دیر. بازار سوداسی کمه‌یگن. سودا_ساتیغ آز دیر. اولر نینگ رقمی بیللی ایمس. سان‌لری کوپ دیر، یوزلب کیشی بولیش‌لری ممکن.»
مذکور نهاد نینگ بورد هیئت عضوی پشتون امیری نینگ ایتیشیچه، سوداگر عیاللر اقتصادی قیینچیلیک بیلن روپه‌ره بولگنلر. او نینگ کوپه‌یتیریشیچه، مملکت ده سوداگر عیاللر نینگ محصولاتینی ساتیب آلیش اوچون مناسب بازار یوق.
پشتون امیری نینگ کوپه‌یتیریشیچه: «سونگی ایکی ییل ده سوداگر عیاللر نینگ وضعیتی یامان دیر، چونکه هیچ سودالری یوق. سوداگر عیاللر نینگ محصولاتی ساتیلیشی اوچون مناسب مکان نظرگه توتیلمه‌گن. تاوان قیلگن‌میز، ایش یوق‌لیگی اوچون دکان اجاره‌سینی کیسه‌میز دن توله‌دیک.»
باشقه تاماندن، افغانستان سوداگرلیک و سرمایه یاتقیزیش اتاقی رهبرلیک هیئت اعضاسی خان‌جان الکوزی نینگ سلام‌وطندار گه ایتیشیچه، سرپرست حکومت تامانیدن یره‌تیلگن چیکلاولر باعث سوداگر عیاللر نینگ جمهوریت توزومی گه نسبتن ایشلری ۵۰ فایز کمه‌یگن.
اونگه کوره: «حاضرگی چیکلاولر باعث سوداگر عیاللردن بیرقطاری مملکت نی ترک قیلگن، عیاللر نینگ تجارتی کمه‌یگن یعنی ۵۰ فایز کمه‌یگن دیب اویله‌یمیز.»
اقتصادی ایش بیلرمان‌لر نینگ ایشانچی گه کوره، سرپرست حکومت تامانیدن عیاللر گه چیکلاو یره‌تیلیشی اولر نینگ سوداگرلیک و فعالیت‌لری اوستیگه سلبی تاثیر قیلگن. اولر اسلام امیرلیگی دن سوداگرلر عیاللرنی قوللب_قوتلش اوچون ایچکی و تشقری ده کورگزمه‌لر یولگه قوییشنی طلب قیله‌دیلر.
اقتصادی ایش بیلرمان ظاهر بهزاد نینگ ایتیشیچه: «سوداگر عیاللر نینگ وضعیتی توزوم اوزگریشی و افغانستان اسلام امیرلیگی حاکمیتیدن کیین یره‌تیلگن چیکلاولر باعث احواللری قانیقرلی ایمس.»
اقتصادی ایش بیلرمان‌لردن باشقه بیری آمنه هاشمی گه کوره: «کوپ سانده عیاللر خصوصی ایشلر گه یوز کیلتیرگن، تأسف بیلن هیچ درآمدلری یوق، تولید قیلیشماقده لیکن سودالری یوق دیر. بیر عیال محرم‌سیز باریب بازار دن سودا قیله آلمه‌ی و ولایت‌لر گه سفر قیله آلمسه، قنده‌ی تجارت قیلیشی ممکن.»
سرپرست حکومت صناعت و سوداگرلیک وزیرلیگی سوزلاوچیسی آخوندزاده عبدالسلام، سوداگر و صناعت‌کار عیاللر نینگ تجارتی و سودالری کسادلیگینی رد قیلیب سلام‌وطندار گه ایتیشیچه، سونگی ایکی ییل ده سوداگر و صناعت‌کار عیاللر سانی کوپه‌یگن و سرپرست حکومت اولر نینگ محصولات و تجارت‌لری گه بازار قیدیریش اوچون ترتیبلی برنامه‌لرنی تطبیق ایتگن.
او می گوید که در سال ۱۴۰۱ به تعداد ۶۴۱ تن از زنان جواز شرکت تجارتی و سرمایه گذاری اخذ کرده است.
اونگه کوره، ۱۴۰۱_ییل ده ۶۴۱ عیال سرمایه یاتقیزیش و تجارتی شرکت جوازینی آلیشگن: «افغانستان ایچیده یولگه قوییله‌دیگن کورگزمه‌لرده متشبث عیاللر گه سهم بیره‌میز. کابل ده عیاللر گه عاید مخصوص سودا مرکزی تاسیس ایتیلیشنی ایسته‌یمیز و آنلاین روشده چیت ایل گه محصولات‌لرینی ساتیش اوچون آنلاین کورگزمه‌لر یولگه قوییلیش گه قرار قیلگن‌میز.»
سرپرست حکومت خاتین قیزلر سوداگرلیک و صناعت بولیمی ده فعالیت قیلماقدهلیکلرینی ایتسه ده؛ لیکن سوداگر و صناعت‌کار عیاللر درآمدلری و سودالری کمه‌یشیدن شکایت قیلماقده‌لر.