بوگون (دوشنبه ۱۳- دلو) ایرته‌لب میانمار حربی‌لری مذکور مملکت غیررسمی رهبری آنگ‌سان سوچی و «دموکراسی اوچون ملی بیرلیک» حزب نینگ یوقاری مرتبه‌لی رسمی‌لرینی قولگه آلگن.
بوندن آلدین میانمار حربی‌لری اوتگن سیلاوده کینگ ساخته‌کارلیک یوزبیرگنی نی ادعا قیلیب و بو حقده تدقیقات اوتکزیلیشی نی سوره‌گن ایدی، مذکور ملکی رسمی‌لر قولگه آلینیشی بیلن میانمار حربی‌لری وضعیت نی نظارت گه آلیب و بو مملکتده «فوق‌العاده وضعیت» اعلام قیلدی.
میانمار حربی‌لریگه تیگیشلی تلویزیونی ترماقدن نشر ایتیلگن بیانات گه اعلام قیلینیشیچه، قدرت بو مملکت حربی‌لری نینگ عمومی قومندانی مین‌آنگ هلاینگ گه انتقال تاپگن.
میانمار گه حاکم حزب رهبری قولگه آلینگنی گه علاوه، منطقه‌لر و ایالت‌لرنینگ سیاستچی‌لری و شونینگدیک بو مملکت نینگ باشقه تانیقلی سیاستچی‌لری هم قولگه آلینگن. شونینگدیک مخابراتی ترماقلرنینگ فعالیتی قیینچلیککه دوچ کیلیب و میانمار رسمی رسانه‌لری نینگ برنامه‌لری قطع بولگن.
ایتیش کیره‌ک کیم بوگون ایرته‌لب میانمار ده حاکم حزب «دموکراسی اوچون ملی بیرلیک» سوزلاوچیسی نینگ اعلام قیلیشیچه، ایسلنگن حزب رسمی‌لری بیلن حربی کوچلر قومندان‌لری آره‌سیده قرمه‌قرشیلیکلر کوپه‌یگنیدن کیین، میانمار غیررسمی رهبری آنگ‌سان سوچی مذکور حزب نینگ باشقه قطار یوقاری مرتبه‌لی رسمی‌لری بیلن قولگه آلینگن. میانمار گه حاکم حزب سوزلاوچیسی گه کوره، بو حزب یوقاری مرتبه‌لی رسمی‌لری حربی کوچلر آرقه‌لی قولگه آلینگن.
«دموکراسی اوچوم ملی بیرلیک» حزب سوزلاوچیسی رویترز خبرگزرلیگی گه ایتیشیچه: «مملکتی‌میزنینگ یشاوچی‌لری گه تیزلیککه عکس‌العمل کورستمه‌ی و قانون اساسیده عمل قیلیش‌لرینی سوره‌یمن. اونینگ کوپه‌یتیریشیچه، اوزی نینگ تیزلیککه قولگه آلینیشی نی پیش‌بین‌لیک قیله‌دی.