افغانستان خبرچیلر مرکزی، سه‌شنبه کونی، ۳۱ اسد، ترقه‌تگن بیانیه‌سیده ایران نینگ تسنیم آژانسی اوشبو آژانس نینگ عکاسی محمدحسین ولایتی افغانستان گه سفر قیلگنینی ایتگن ایدی، کابل ده حبس گه آلینگنینی معلوم قیلگن. اوشبو مرکز محمدحسین ولایتی حبس گه آلینیشیدن خواطر بیلدیریب و او نینگ «تیزلیک بیلن» قوییب یوباریلیشینی سوره‌گن.
افغانستان خبرچیلر مرکزی نینگ یازیشیچه: «بوگون تسنیم آژانسی، اوشبو آژانس نینگ عکاسی محمدحسین ولایتی، جاری هفته شنبه کونی، ۲۸ اسد، ایران گه قیتیش چاغیده کابل هوا قونالغه‌سیده حبس گه آلینگنیدن خبر بیردی. گزارش ده ولایتی جنابلری میدیا ایشلری اوچون افغانستان گه سفر قیلگن ایدی و ۱۰ کون کابل ده بولگن.»
بیزلرنینگ فیسبوک صحیفه‌میزگه باش اورینگ!
تسنیم آژانسی گه کوره، اسلام امیرلیگی کوچلری دلیل‌سیز اوشبو عکاس نینگ قولگه آلیشگن و بوتوغریده‌گی سعی‌وحرکت‌لر حاضرگچه نتیجه بیرمه‌گن و بو موضوع ایران ملی مجلسی خوفسیزلیک کمیسیونی تامانیدن مملکت تشقی ایشلر وزیرلیگی بیلن شریک قیلینگن و ییغیلیش ده حضوری بولگن افغانستان اوچون ایران نینگ مخصوص نماینده‌سی حسن کاظمی، ایران‌لیک مذکور عکاس تیزلیک بیلن قوییب یوباریلیشی اوچون تلاش ایتیشیدن ایشانچ بیرگن.
افغانستان خبرچیلر مرکزی، محمدحسین ولایتی قولگه آلینیشیدن خواطر بیلدیریب و اسلام امیرلیگی مسئوللریدن مذکور عکاس نی «تیزلیک بیلن» قوییب یوباریش گه قوشیمچه، افغانستان ده خبرچیلر نینگ حبس گه آلیش جریانی گه چیک قوییشینی طلب قیلگن.
بیزلرنینگ توییترده هم تعقیب قیلینگ!
افغانستان خبرچیلر مرکزی گه کوره، اوتگن ایکی هفته ده مملکت نینگ تورلی منطقه‌لریده چمه‌سی ۱۱ خبرچی قولگه آلینگن و اولر نینگ ۹ نفری حاضر هم قماقخانه ده دیر. اوشبو مرکز نینگ کوپه‌یتیریشیچه، اولر نینگ معلوماتی اساسیده سونگی آی‌لرده حبس گه آلینگن تورت خبرچی حاضر هم قماقخانه ده دیر، بولر بیلن مملکت ده حبس گه آلینگن میدیا ایشلاوچیلری و خبرچیلر سانی ۱۳ کیشی گه ییتگن.