اسلام امیرلیگی اداره‌لری نینگ یېریک رسمی‌لریدن بیرقطاری، افغانستان و تورکمنستان اۉرته‌سیده تاپی لایحه‌سی، فایبر نوری، تاپ و تمیر یول ایشلری باشلنیشی اوچون تیارگرلیک ییغیلیش اۉتکزگنلر.
بیزلرنینگ فیسبوک صحیفه‌میزگه باش اورینگ!
اسلام امیرلیگی تشقی ایشلر وزیرلیگی سۉزلاوچیسی نینگ اورین باسری ضیااحمد تکل، ۱۷-سنبله، شنبه کونی ایکس صحیفه‌سیده بیر بیانیه ترقه‌تیب، افغانستان اسلام امیرلیگی اداره‌لری نینگ یېریک رسمی‌لریدن بیرقطاری، افغانستان و تورکمنستان اۉرته‌سیده تاپی لایحه‌سی، فایبر نوری، تاپ و تیمیر یول لایحه‌لری ایشی باشلنیشی مقصدیده، تیارگرلیک بیرینچی ییغیلیش اۉتکزگنلریدن خبر بیرگن.
تکل جنابلری گه کوره، مذکور لایحه‌لر ایشی باشلنیشی اوچون تیارگرلیک کوریش بو ییغیلیش اسلام امیرلیگی باش وزیری نینگ بویروغی اساسیده، تشقی ایشلر وزیرلیگی یېتکچیلیگیده امنیتی ارگان‌لر، کانلر و پترولیم، فواید عامه، معلومات ومدنیت، مخابرات و تکنالوژی معلوماتی وزیرلیک‌لری اسلام امیرلیگی سۉزلاچیسی و برشنا شرکتی وکیل‌لری نینگ حضوری بیلن تشقی ایشلر وزیرلیگیده اۉتکزیلگن.
بیزلرنینگ «ایکس» ترماغی ده هم تعقیب قیلینگ!
اسلام امیرلیگی تشقی ایشلر وزیرلیگی سرپرستی امیرخان متقی، ۱۴۰۳-ییل، ۱۵-سنبله، پنج‌شنبه کونی هرات ده افغانستان نینگ صفری نقطه‌سیده تورکمنستان تشقی ایشلر وزیری بیلن اوچره‌شیب، تاپی لایحه‌سی ایشی باشلنیشی، افغانستان و تورکمنستان اۉرته‌سیده تیمیر یول قوریلیشی، برق و فایبر نوری لایحه‌لری حقیده بحث اېتگن اېدیلر.
بو لایحه‌لر نینگ ایشی، کېله‌سی کونلرده طنطنه‌لی طرزده آچیلیب باشلنیشی کوتیله‌دی.