اسلام امیرلیگی سرپرست حکومتی سوزلاوچیسی ذبیح‌الله مجاهد، اوشبو حکومت آرقه‌لی نیچه کیشی نینگ اهالی برابریده دار گه آسیلیشی و «قصاص حکمی» اجرا ایتیلیشی اساسیده بولگن خلق‌ارا تنقید‌لر گه عکس‌العمل کورستیب، باشقه مملکت‌لردن بو توغریده اره‌لشمسلیک‌لری نی ایستهگن.
بو توغریده مجاهد نینگ سلام‌وطندار گه ایتیشیچه: «بو مسئله‌لر افغانستان نینگ ایچکی موضوعلریدن دیر و هیچ بیر مملکت اره‌لشمه‌سین و بو اولر بیلن هیچ قنده‌ی علاقه‌سی یوق.»
بیزلرنینگ «ایکس» ترماغی ده هم تعقیب قیلینگ!
اسلام امیرلیگی سرپرست حکومتی سوزلاوچیسی نینگ اورغولشیچه، قصاص حکمی اجرا ایتیلیشی، اهالی ایسته‌گی، اسلامی ارزشلر و افغانستان ملی منفعتی اساسیده صورت تاپگن.
ینگی‌لیکده بیرلشگن ملت‌لر تشکیلاتی بشرحقلری عالی کمیساری، اسلام امیرلیگی آرقه‌لی سونگی دار گه آسیلیش مورد‌‌لردن تنقید‌لب، اونینگ تیزلیککه توخته‌تیلیشی نی ایستهگن.