افغانستان اوغلاق لیگی آلتینچی باسقیچینینگ گروهی مسابقه‌سی یکونیده، بلخ یاشلری و پنجشیر اوغلاق تیرمه جماعه‌لری رقابت قیلدیلر.
بوگون (۱۹-قوس، دوشنبه) پایتخت کابل شهری حدودلریگه قره‌شلی «یکه توت» ده اۉتکزیلگن بو بیلشووده، بلخ یاشلری ۳-۰ حسابی بیلن پنجشیر گه غلبه قازاندیلر.
بیزلرنینگ فیسبوک صحیفه‌میزگه باش اورینگ!
بلخ اوغلاق تیرمه جماعه‌‌سیدن شفاع‌الدین پهلوان ۱۶:۰۰ دقیقه، عظیم پهلوان ۲۰:۰۰ دقیقه و نهایت ناربای پهلوان ۴۳:۰۰ دقیقه ده، اوغلاق‌نی بیلگی‌لنگن دایره گه تشلش گه اولگوردیلر.
افغانستان اوغلاق لیگی آلتینچی باسقیچینینگ حذفی گروهیده سرپل، فاریاب، بدخشان، بغلان، قندوز، سمنگان، یما پترول و بلخ یاشلری یول تاپگنلر.
بیزلرنینگ «ایکس» ترماغی ده هم تعقیب قیلینگ!
بو مسابقه‌لرنینگ حذفی گروهی اېرته قندوز-بغلان، یما پترول-فاریاب یاشلری و سمنگان-بلخ یاشلری بیلشووی بیلن باشلنه‌دی.