تشقی ایشلر وزیرلیگی، ایران و ترکیه چیگره‌سیده هواساووقلیگی و بوران باعث ۴ افغان جان بیرگنی نی تصدیقله‌دی.
مذکور وزیرلیک نینگ ایتیشیچه، ینگی‌لیکده رسانه‌لر آرقه‌لی نشر ایتیلگن خبرلر و صورت‌لرنینگ کورستیشیچه، افغانستان یشاوچی‌لریدن قطاری ایران و ترکیه چیگره‌سیده ساووق هوا و بوران گه بند قالگن.
بوگون (دوشنبه ۲- حمل) مملکت تشقی ایشلر وزیرلیگی تامانیدن نشر ایتیلگن خبرنامه‌ده کیلیشیچه، مذکور کیشیلر ایران و ترکیه چیگره نقطه‌سیده‌گی «چالدران ارومیه» منطقه‌سیده جان بیرگن و باشقه ایکی کیشی ایسه قوتقریلگن.
مذکور وزیرلیک نینگ کوپه‌یتیریشیچه، انقره و تهران ده افغانستان ایلچی‌خانه‌لری مذکور جسدلرنینگ تکفین مراسمی نی ییرگه کیلتیریب و حاضرگچه ایکی جسد عایله‌لریگه تاپشیریلگن.
تشقی ایشلر وزیرلیگی نینگ اورغولشیچه، مذکور حادثه نی شاهدلر، ایران و ترکیه رسمی‌لری و مذکور ایکی مملکتده‌گی افغانستان ایلچی‌خانه‌لری نینگ سعی و حرکتی بیلن هرتامانلمه تیکشیره‌دی.
تشقی ایشلر وزیرلیگی مذکور خبرنامه‌ده، مملکت یشاوچی‌لریدن ناقانونی سفرلردن واز کیچیب و انسان قاچاقچی‌لری نینگ سوزلریگه اَلدنمه‌سلیکلرینی سوره‌گن.