۹ یاشیده بولگن عبدالرووف بیر آی آلدین مزارشریف شهری نینگ خصوصی مکتبیده درس اوقیدیگن بیر چاغده حربی کیم‌لیک اوغیرلاوچیلر تامانیدن اوغیرلنگن. او کوپینچه ناله و فریاد بیلن آته‌سیدن یاردم ایسته‌یدی.
بوگون بلخ ده قطار ترکتبارلر، عبدالرووف نینگ اوغیرلنگنی اوچون بلخ ولایت مقامی ایشیگی نینگ اونگیده ناراضلیک خیمه‌سینی قورگنلر.
ناراضچی‌لرگه کوره، ایکی کونگچه ۹ یاشیده بولگن عیدالروف، آدم اوغیرلاوچیلر نینگ قولیدن آزاد ایتیلمه سه، حیرتان و آقینه بندرلری نینگ قتناو یولینی باغلش لریدن آگاه لنتیرگنلر.
آدم اوغیرلاوچیلر، بو باله نینگ قویب یوباریش لری اوچون عایله سیدن ۱ یریم میلیون دالر ایسته‌گن.
عبدالرووف آته سی محمد نبی نینگ ایتیشیچه، هر کون وایبرگه آدم اوغیرلاوچیلر اوغلی دن ویدیو یوباره‌‌دیلر. لیکن حاضرگچه ملی پولیس و ملی خوفسیزلیک کوچلری اوغلی‌دن هیچ بیر نشانه تاپالمه‌گن.
شمال حوزه سیده‌گی ترکمنلر کینگشی باشلیغی عبدالصمد حارث نینگ ایتیشیچه، محلی و مرکزی حکومت بو قضیه خصوصده توجه سیزلیک کورستکن و هیچ بیر نشانه آدم اوغیرلاوچیلردن تاپه آلمه گن.
بیراق، بلخ محلی مسئول‌لری نینگ ایتیش‌لریچه بو حقده تیکشیریشلر دوامی بولگن.
ایتیش لازم که، قطار ترکمن قوم بویوکلری گه کوره، نیچه ییلدن بویان بو نیچینچی مرته دیر کیم بو قوم گه تیگیشلی بولگن کیشیلر آدم اوغیرلاوچیلر تامانیدن اوغیرلنه دی، و اوشبو موضوع بلخ ولایتیده گی ترکمن قوملرنی خواطرگه سالگن.