سمنگان محلی مسئوللری نینگ ایتیشلریچه، اوشبو ولایت‌ده یوز بیرگن ایکی ترافیکی حادثه‌ده ۱۴ کیشی یره‌لنگن.
سمنگان امنیه قوماندانلیگی سوزلاوچیسی حشمت‌الله رحمانی نینگ ایتیشیچه، بیرینچی حادثه اوتگن کون (سه‌شنبه، ۲۲-جوزا)، توش‌‌دن آلدین مذکور ولایت خلم تومنی نینگ «تنگی» ساحه‌سیده یوز بیرگن.
بیزلرنینگ «ایکس» ترماغی ده هم تعقیب قیلینگ!
جماب رحمانی گه کوره، «سراچه» رسوملی بیر موتر نینگ سرک‌دن چیقیب و چپه بولگنی نتیجه‌سیده یوز بیرگن اوشبو حادثه‌ده، ییتی کیشی یره‌لنگن.
سمنگان امنیه قوماندانلیگی سوزلاوچیسی نینگ کوپه‌یتیریشیچه، ایکینچی حادثه ایسه اوتگن کون عصر چاغی اوشبو ولایت فیروزنخچیر تومنی نینگ «پوزه‌ای» ساحه‌سیده، «پاسو» رسوملی ایکی موتر نینگ توقنشگنی طفیلی یوز بیرگن که شونینگدیک اونینگ نتیجه‌سیده، بیر ایرکک، تورت عیال و ایکی باله شامل ییتی کیشی یره‌لنگن.
بیزلرنینگ فیسبوک صحیفه‌میزگه باش اورینگ!
هیداوچیلر نینگ احتیاط‌سیزلیگی و اولر آرقه‌لی ترافیکی قانون‌لر نینگ رعایت ایتیلمه‌سلیگی مذکور ایکی ترافیکی حادثه نینگ یوز بیرگنی سببلریدن دییلگن.