فواید عامه وزیرلیگی رسمی‌لری، سالنگ قتناو یولی قیته قوریلیشی اوچون یوک تاشووچی و یولاوچی تاشووچی موترلر یوزی گه یاپیلگنینی معلوم قیلگنلر.
اوشبو وزیرلیک سۉزلاوچیسی محمداشرف حق‌شناس سلام‌وطندار بیلن اۉتکزگن صحبتیده، سالنگ قتناو یولی قیته قوریلیشی اوچون بوگون (۱-سنبله، پنجشنبه) ایرته‌لب ساعت ۶:۰۰ ده، یوک تاشووچی و یولاوچی تاشووچی موترلر یوزی گه یاپیلگنینی معلوم قیلگن.
بیزلرنینگ فیسبوک صحیفه‌میزگه باش اورینگ!
یالغیز کیچیک موترلر اوشبو یول دن اولر اوچون اجره‌تیلگن مخصوص یول بیلن باریب-کېلیش‌لری ممکن، لېکن یوک تاشووچی و یولاوچی تاشووچی کتّه موترلر سالنگ یولی قیته قوریلیش ایشی یکونلنگونچه پنجشیر «خاواک» و بامیان «شیبر» یولی بیلن باریب-کېلیش‌لری ممکن دیېدی، فواید عامه وزیرلیگی سۉزلاوچیسی محمداشرف حق‌شناس.
حق‌شناس جنابلری، سالنگ قتناو یولی نینگ قیته قوریش ایشی قچان یکونلنیشی حقیده ایضاح کېریتمسه ده، بیراق بو یول نینگ آچیلیشی آب‌وهوا و ایش قنچه‌لیک آلغه باریشی گه باغلیق دیېدی.
بیزلرنینگ «ایکس» ترماغی ده هم تعقیب قیلینگ!
سالنگ قتناو یولی نینگ ۸۰ کیلومتر اسفالت قیلیش ایشی ۱۴۰۲-ییل، ۱۹-سنبله، باشلنیب و قیش موسومی یېتیب کېلیشی باعث توخته‌تیلگن اېدی.
سالنگ مملکت نینگ مهم قتناو یوللریدن سنله‌دی، یولاوچیلر گه علاوه کوپ سانده سوداگرلیک توارلر اوشبو یول بیلن کابل و باشقه ولایت‌لر گه انتقال بیریله‌دی.
