خلق‌ارا ییتکرمه‌لر‌نینگ گزارش بیریشیچه، اسرائیل آرقه‌لی غزه‌نینگ بیر قطار بولیم‌لریگه اویوشتیریلگن هجوم‌لر نتیجه‌سیده، کمیده ۲۸ کیشی قربان بولیب و باشقه بیر قطار کیشی یره‌لنگن.
مذکور کیشیلر اوتگن کون اسرائیل اردوسی آرقه‌لی نوار غزه‌نینگ تورلی بولیم‌لری گه اویوشتیریلگن هجوملرده قربان بولگنلر.
بیزلرنینگ «ایکس» ترماغی ده هم تعقیب قیلینگ!
بو بیلن بیرگه، فلسطین ساغلیق‌نی سقلش رسمی‌لری‌نینگ اعلام قیلیشلریچه، غزه ده ساووق طفیلی اولگن چقه‌لاقلر سانی ییتی گه ییتیشگن.
شونینگدیک بیرلشگن ملتلر تشکیلاتی، غزه ده بشری وضعیت‌نینگ آغیر بولگنی و تینچ اهالی اوچون هیچ بیر خوفسیز منطقه قالمه‌گنی نی بیان قیلگن.
بیزلرنینگ فیسبوک صحیفه‌میزگه باش اورینگ!
اسرائیل و حماس آره‌سیده‌گی توقنشوولرنینگ باشلنگنی‌دن قریب ۱۵ آی اوتگن و بو مدت‌ده، غزه ده اوروش توخته‌تیلیشی اوچون بولگن هر قنده‌ی سعی‌وحرکتلر نتیجه بیرمه‌گن.
فلسطین ساغلیق‌نی سقلش وزیرلیگی‌نینگ معلوماتی اساسیده، اسرائیل و حماس آره‌سیده‌گی توقنشوولر باشلنگنی‌دن بویان، ۴۵ مینگ ۵۵۳ فلسطین‌لیک قربان بولیب و ۱۰۸ مینگ ۳۷۹ کیشی یره‌لنگن. شونینگدیک بو مدت‌ده اسرائیل‌نینگ ۷۰۰ عسکری هلاک بولگن.