مهاجرت انسان تاپیلگنیدن حاضرگه قدر دوام تاپماقده و تاریخ بویلب تورلی شکللرنی اۉزیگه آلگن. بو معما جمعیت‌لر اۉزگریشی اصلی عامللریدن بولیب، کیشیلر و آدملرنینگ اۉزگریشی گه سبب بولیشی ممکن.
بو گزارش‌ده، کیشی‌نینگ توانالیگی و ترقیاتی اوچون مهاجرت رولی حقیده بحث اېتیلگن. اوشبو گزارش‌ده، اوچ قیز و ییتّی ییگیت شامل کابل‌ده ۱۰ یاش بیلن صحبت قیلینگن.
بو یاشلر، مهاجرت برچه قیینچیلیک‌لری یانیده اویلاولرینی کېنگه‌یتیریب و اۉزلری گه نسبتن ایشانچ‌لری آشیش گه سبب بولگنینی اېته‌دیلر.
اولر گه کوره، مهاجرت‌ده ینگی جمعیت و فرهنگی محیط‌لر بیلن آشنا بولیش، شخصیتی نقطه-نظریدن اۉزگریب و ینگی مهارت‌لرنی اورگه‌نیش‌لری گه سبب بولگن.
ایکّی ییل ایران‌ده مهاجر بولگن صنوبر پارسانینگ ایتیشیچه، عایله‌دن اوزاق بولیش، تورلی فرهنگ و انسانلر بیلن آشنا بولیش، اونینگ شخصیتی اوستیگه تأثیر قوییب و حیات‌نینگ باشقچه بولگنینی اورگنگن. اونینگ کوپه‌یتیریشیچه: «شخصیتی نقطه-نظریدن اۉزگرگن من؛ مهاجرت طفیلی کوپینچه نرسه‌لر حقیده فکریم اۉزگرگن.»
حیات اسلوبی، باشقه مسئله‌لردن بولیب مهاجرت اونینگ اۉزگریشی گه سبب بوله‌دی. صنوبرنینگ ایتیشیچه، مهاجرت قیلیش‌دن آلدین عایله و اورتاق‌لری بیلن خوش‌گذرانلیک قیلیش گه قیزیقردی؛ بیراق حاضر یالغیزلیک بیلن اورگنگن. «مهاجر بولیشدن آلدین عایله‌م بیلن تیریکچیلیک قیلردیم؛ بیراق مهاجرت طفیلی یالغیزلیک‌ده تیریکچیلیک قیلیش گه عادت قیلدیم و بو حیاتیم گه تأثیر قویدی.»
بیزلرنینگ فیسبوک صحیفه‌میزگه باش اورینگ!
پاکستان، هندوستان و ایران‌ده مهاجرت‌نی تجربه قیلگن یاشلردن باشقه بیری عمران گه کوره، مهاجرت طفیلی اۉزی گه نسبتن ایشانچ تاپیب و مملکتی‌نینگ ترقیاتی اوچون تلاش قیلیشی گه سبب بولگن. «مهاجرت قیلگنیمده باشقه مملکت‌لر قنچه‌لیک رواجلنگنینی کوردیم، قیته قوریش و باشقه ساحه‌لرده، بوندن تأثیرلندیم چونکه بیز تلاش قیلمه‌یمیز و بو مسئله شخصیتیم گه تأثیر قویدی و مین کوپ تلاش قیلیشیم گه سبب بولدی.»
عمران‌نینگ کوپه‌یتیریشیچه، مهاجرت باعث کوپینچه نیازلری و اونگه بها بیریشنی اورگه‌نیشی گه باعث بولگن؛ اونگه کوره، حیات نی جدی آلیب و آگاهی‌لیک بیلن اونگه دوام بیرگن. «مهاجر بولیب و قیینچیلیک‌لرنی کورگن آدم، نیمه گه احتیاجی بارلیگینی اویله‌یدی و او زمان آدملر شخصیت‌لرینی توزه‌تیب و اۉزی همده احتیاجلری اوستیگه ایشله‌شی ممکن.»
اوشبو گزارش‌ده صحبت قیلگنلر، ینگی مهارت‌لرنی اورگه‌نیش و اۉزی گه نسبتن ایشانیشنی مهاجرت‌نینگ باشقه امتیازلریدن اته‌گنلر.
بیزلرنینگ «ایکس» ترماغی ده هم تعقیب قیلینگ!
بو یاشلرنینگ ایشانچی گه کوره، هر بیر مهاجرت اجتماعی، تحصیلی مهارت یا که مسلک اورگه‌نیش گه سبب بولیب و اولرنینگ اۉزلری گه نسبتن ایشانچ‌لری آشیشی گه باعث بوله‌دی.
تحصیل اوچون مهاجرت قیلگن بشیر فروغ‌نینگ ایتیشیچه: «ینگی بیر فضاده، میزبان مملکت‌نینگ مهارت و اوقیش امکانیت‌لریدن فایده‌لندیم؛ شخصیتی نقطه-نظردن اۉزیمگه اۉزگریش کېلگن.»
ینگی‌لیکده، افغانستان گه قیتگن شمس‌الدین نبی‌زاده گه کوره: «مهاجرت سلبی و مثبت تأثیرلر بیلن بیرگه دیر و اونینگ سلبی تأثیری کوپ دیر؛ اوقیش‌دن اوزاقلش و عادی تیریکچیلیک بوزیلیشی سلبی تأثیرلریدن دیر و انسانلر باشقه مملکت‌نینگ قانونی آستیده تیریکچیلیک قیلیش گه مجبور دیر.»
حاضر اروپا مملکتلریدن بیریده مهاجر بولگن سونیا محمدی‌نینگ ایتیشیچه: «باشقه مملکت گه بارسنگیز، اۉز مملکتیده بولگن جایینگیز بولمه‌یدی و اولرنینگ جمعیتی گه قوشیلیش اوچون جدی تلاش قیلیش کېره‌ک، بو ایش اوچون زمان لازم.»
باشقه تاماندن، قاچقینلر حقوقی فعاللری، قاچقینلر فرهنگ و شخصیت بولیملریده کوپینچه قیینچیلیک‌لر بیلن روپه‌ره بوله‌دیلر، بو معمالر گه قرشی کوره‌ش انسانلرنی اۉزگرتیریشینی اېته‌دیلر.
قاچقینلر حقوقی فعالی آصفه بارکزی‌نینگ ایتیشیچه: «ینگی بیر محیط گه بارسنگیز و بوتون نرسه فرقلی بولسه، آدم باشقه نرسه‌نی اورگنه‌دی و بو ینگی فرقلر اویلاو ارزشلری اۉزگریشی گه سبب بوله‌دی.»
جمعیت شناسلرنینگ ایتیشلریچه، مهاجرت‌ده قاچقین کیشی‌نینگ اۉزی گه نسبتن ایشانچی آشه‌دی. جمعیت شناس زکریا بارکزی گه کوره، مهاجرت فرهنگی همکارلیکلر امکانیتینی یره‌ته‌دی. «مهاجر بولسنگیز، بو ییرده بیر تور اجتماعی همکارلیکلر بوله‌دی حاضرگی عصرده فرهنگی همکارلیک بیلن دوچ میز، فرهنگلر تعامل قیلیب و هر جمعیت‌ده اۉزگریشلر کېلگن.»
افغانستان اهالیسی اینیقسه یاشلری‌نینگ مهاجر بولیشی، دنیا مقیاسیده مهاجرت کتّه بولیمینی تشکیل بیره‌دی و دلیللری نظرگه آلینمه‌گن حالده، بو مهاجرت یاشلرنینگ حیاتیده اۉزگریش کېلیشی و نهایت اولرنینگ نسبی یا که بوتونلی اۉزگریشی گه سبب بوله‌دی.