جمهورلیک ریاستی بیرینچی اورین باسری امرالله صالح نینگ ایتیشیچه، کابلده ۱۰ یاشر ایرکک باله‌نی جنسی روزلگن داکتر امنیتی کوچلر تامانیدن قولگه آلینگن.
بوگون “شنبه” جناب صالح نینگ فیسبوک صحیفه‌سیده یازیشیچه، مذکور داکتر نینگ فعالیت قیلیش جوازی لغو قیلینیشی اوچون ساغلیق‌نی سقلش وزیرلیگی‌گه بویروغ بیریلگن.
جناب صالح، مذکور داکتر نی «وحشی و شیطان صفت» عنوان قیلگن. اوشبو داکتر کابل شهری نینگ ۱۶- حوزه‌سیده جایلشگن بیر کسلخانهگه فعالیت قیله‌ریکن.
جمهورلیک ریاستی بیرینچی اورین باسری نینگ خورشید خصوصی تلویزیونی نینگ سابق ایشلاوچیسی محمدرفیع صدیقی نینگ هلاک ایتیلگنی خصوصیده ایتیشیچه، اونینگ اولدیریلیشی تروریستی ایمس، بلکیم جنایی بیر واقعه دیر. صالح نینگ کوپه‌یتیریشیچه، بوتوغریده بولگن معلومات‌لر ایچکی ایشلر وزیرلیگی نینگ جنایت‌لرنی تیکشیریش ریاستیده موجود دیر.
جناب صالح گه کوره، مذکور خبرچی نینگ عایله‌سی وفات قیلگن کیشی نینگ عزتی اوچون جزییات نشر قیلینیش‌نی ایستمهگن.
خورشید خصوصی تلویزیونی نینگ سابق ایشلاوچیسی محمدرفیع صدیقی و باشقه بیر یاردمچیسی نینگ جسدی اوتگن “پنجشنبه” کونی کابل ولایتی نینگ استالف تومنیدن تاپیلگن.
ایچکی ایشلر وزیرلیگی سوزلاوچیسی طارق آرین نینگ ایتیشیچه، جناب صدیقی و یاردمچیسی گاز توتگنی باعث، جان بیرگن.
