کابل، هرات، بلخ و قندهار هوا قونالغه‌لری نینگ امنیتی خذمت‌لری امارات‌لیک «G42» شرکتی‌گه تاپشیریلگن. اونینگ چکه‌سیده مذکور ۴ هوا قونالغه نینگ عملیاتی مدیریت، سیستم قوریش، زمینی و تکنالوژی خذمت‌لری هم اوشبو شرکت‌گه تاپشیریلگن.
مذکور پروژه‌لرنینگ قراردادلری اوتگن “پنجشنبه” کونی عصر چاغیده جمهور رئیس غنی نینگ حضوری بیلن جمهورلیک ریاستیده امضالنگن.
ملکی هوایی خذمت‌لر ادارهسی باشلیغی محمدقاسم وفایی‌زاده و «G42» شرکتی باشلیغی منصورالمنصوری اوشبو قراردادلرنی امضا قیلگن‌لر.
عین‌حالده، مملکت جمهور رئیسی محمد اشرف غنی، اوشبو قراردادلرنی «استراتیژیک» عنوان قیلیب و افغانستان نینگ هوا قونالغه‌لریده بویوک سرمایه‌لر بار، بیراق اوشبو ظرفیت‌لر تانیلمه‌گن دیگن.