قندوز پولیسی تابلیت «کا» ایشلب چیقاره‌دیگن بیر ایش‌خانه کشف ایتیلگنی و بو توغریده اوچ کیشی قولگه آلینگنیدن خبر بیرگن.
بوگون (جمعه ۱۱- میزان) قندوز پولیسی سوزلاوچیسی هجرت‌الله اکبری نینگ ایتیشیچه، مذکور ایش‌خانه پنج‌شنبه کونی کیچ قورون قندوز شهری نینگ ۳- ناحیه‌سیدن مخدره ماده گه قرشی کوره‌ش پولیسی تامانیدن کشف ایتیلگن.
جناب اکبری گه کوره، بو ایش‌خانه‌ده نشئه قیله‌دیگن تابلیت و کپسول «کا» ایشلب چیقاریله‌دی ایکن.
قندوز پولیسی سوزلاوچیسی گه کوره، مذکور قضیه توغریسیده اوچ کیشی پولیس آرقه‌لی اوشلب آلینگن کیم دستلبکی تیکشیروودن کیین عدلی و قضایی اداره‌لرگه تانیشتیریله‌دی.
سونگی نیچه آیده کمیده ۵۰ مینگ تابلیت «کا» پولیس آرقه‌لی کابل شهریدن کشف ایتیلگن.