شهاب‌الدین دلاور: کار پروژۀ تاپی به‌زودی در افغانستان آغاز می‌شود
کار پروژۀ خط لولۀ انتقال گاز طبیعی ترکمنستان به کشورهای افغانستان، پاکستان و هند (تاپی)، به‌زودی در خاک افغانستان آغاز می‌شود. شهاب‌الدین دلاور، سرپرست وزارت معادن و پترولیم، امروز در نشستی با حضور وفا حاجی‌یوف، معاون وزارت خارجۀ ترکمنستان در کابل می‌گوید که پروژۀ تاپی، یکی از پروژه‌های مهم برای افغانستان، پاکستان و هند نیز است که کار عملی آن به‌زودی آغاز می‌شود.