ذبیح‌الله مجاهد، سخن‌گوی حکومت سرپرست، اعلام کرده که بر اساس حکم هبت‌الله آخوندزاده، رهبر امارت اسلامی، در یک وزارت‌خانه و شماری از اداره‌ها، تعیینات تازه صورت گرفته است.
سلام‌وطندار را در تلگرام دنبال کنید
او، در خبرنامه‌ای در حساب کاربری اکس خود، نوشته که هدایتالله بدری، سرپرست پیشین بانک مرکزی افغانستان، به عنوان سرپرست وزارت معادن و پترولیم و نو‌رالدین ترابی، معاون پیشین جمعیت هلال‌احمر افغانی، به عنوان سرپرست اداره‌ی ملی مبارزه با حوادث، گماشته شده است.
مجاهد، افزوده که شهاب‌الدین دلاور، سرپرست پیشین وزارت معادن و پترولیم، به عنوان سرپرست جمعیت هلال‌احمر افغانی و مطیع‌الحق خالص، سرپرست پیشین جمعیت هلال‌احمر افغانی، به عنوان سرپرست اداره‌ی ملی حفاظت از محیط زیست، گماشته شده است.
نوراحمد آغا، معاون نخست پیشین بانک مرکزی افغانستان، به عنوان سرپرست این بانک و قدرت‌الله جمال، معین پیشین وزارت صنعت و تجارت، به عنوان معین گردش‌گری، مالی و اداری وزارت اطلاعات‌و‌فرهنگ گماشته شده است.
سلام‌وطندار را در اکس دنبال کنید
بر اساس حکم هبت‌الله آخوندزاده، احمدالله زاهد، سرپرست ریاست مبارزه علیه فساد اقتصادی ریاست عمومی استخبارات، به عنوان معین امور صنعت و تجارت وزارت صنعت و تجارت و حافظ عزیز‌الرحمان، سرپرست پیشین اداره‌ی ملی حفاظت از محیط زیست، به عنوان معاون جمعیت هلال‌احمر افغانی، گماشته شده است.
