اوزبیکستان، یک محموله‌ی ۲۰۰تُنی کمک‌های انسان‌دوستانه را به بلخ فرستاد.
این محموله، امروز(سه‌شنبه، ۱ جوزا) از راه بندر تجاری حیرتان به بلخ رسید و قرار است به نیازمندان در این ولایت، توزیع شود.
سلام‌وطندار را در تلگرام دنبال کنید
عصمت‌الله ایرگش‌اوف، نماینده‌ی ویژه‌ی رییس‌جمهور اوزبیکستان برای افغانستان، می‌گوید که این کمک‌ها شامل خیمه، آرد، روغن و دیگر مواد خوراکی می‌شود.
رحمت‌الحق فضیل، معین وزارت امور خارجه‌ی حکومت سرپرست، از ارسال کمک‌های اوزبیکستان قدردانی می‌کند و از دیگر کشورها می‌خواهد که به نیازمندان در افغانستان کمک کنند.
سلام‌وطندار را در اکس دنبال کنید
اوزبیکستان در بیشتر از دو سال گذشته، ۱۰ محموله‌ی کمکی به افغانستان فرستاده است.
