معین مبارزه با مواد مخدر در رأس هیئتی به اوزبیکستان رفت

عبدالرحمان منیر، معین مبارزه با مواد مخدر وزارت امور داخله‌ی امارت اسلامی، در رأس هیئتی به اوزبیکستان رفته است. 

وزارت امور داخله، امشب (پنج‌شنبه، ۱۳ قوس) در خبرنامه‌ای نوشته که عبدالرحمان منیر با هیئت هم‌راهش پس از چاشت امروز به اوزبیکستان سفر کرده است.

بر بنیاد خبرنامه، هدف از این سفر اشتراک در نشست کشورهای عضو مرکز هم‌آهنگی مبارزه با مواد مخدر و معلومات منطقه‌ای کشورهای آسیای مرکزی است.

وزارت امور داخله، گفته است که این نشست در ۵ دسمبر سال روان میلادی در شهر سمرقند اوزبیکستان برگزار می‌شود.