عبدالله: آتش‌بس در صدر آجندای هیأت صلح دولت قرار دارد
رئیس شورای عالی مصالحۀ ملی می‌گوید که آتش‌بس یا کاهش خشونت در صدر آجندای هیأت گفتوگوکنندۀ دولت افغانستان قرار دارد.
عبدالله عبدالله، رئیس شورای عالی مصالحۀ ملی که امروز (پنج‌شنبه، بیست‌وهفتم قوس/آذر) در نشستی زیر نام «نقش مشارکت زنان در روند صلح» سخن می‌زد، می‌گوید که حقوق و دستاوردهای شهروندان افغانستان، مشارکت زنان، مردم‌سالاری، حقوق بشر، انتخابات و دیگر دستاوردهای ۱۹ سال گذشته، از دیگر مسئله‌هایی‌ست که در آجندای گفت‌وگوها از سوی هیأت گفتوگوکنندۀ دولت شامل شده‌اند.