کارزار تطبیق واکسین پولیو دوشنبه آغاز می‌شود

نهاد موسوم به «افغانستان عاری از پولیو»، اعلام کرده که کارزار تطبیق واکسین ضدبیماری فلج کودکان (پولیو) هفته‌ی روان آغاز می‌شود.

این نهاد، امروز (شنبه، ۲۶ ثور) در اکس نوشته که کارزار جدید تطبیق واکسین پولیو دوشنبه‌ آغاز می‌شود.

افغانستان عاری از پولیو، از خانواده‌ خواسته که با واکسین‌کردن کودکان شان سهم خود را در ریشه‌کن‌کردن این بیماری از افغانستان ادا کنند.

بیماری فلج کودکان هنوز از افغانستان ریشه‌کن نشده و امارت اسلامی در بیش از چهار سال گذشته از کشورها و نهادهای بیرونی خواسته که برای محو این بیماری با این کشور هم‌کاری کنند.