محمد نعیم، معین مالی و اداری وزارت امور خارجهی امارت اسلامی، با جاو شینگ، سفیر چین در کابل، دیدار و در بارهی رویدادهای اخیر در مرز افغانستان و تاجیکستان گفتوگو کرده است.
وزارت امور خارجه، امروز (چهارشنبه، ۱۲ قوس/۳ دسمبر) در خبرنامهای نوشته است که دو طرف همچنان در بارهی روابط افغانستان و چین نیز گفتوگو کرده اند.
محمد نعیم، از کشتهشدن شهروندان چین در مرز افغانستان و تاجیکستان ابراز تأسف کرده و گفته است که بررسیها در این زمینه ادامه دارد. او افزوده که حمله بر شهروندان چین در نقطهی مرزی «کار دشمنانی» است که میخواهند میان کشورها بیاعتمادی ایجاد کنند.
بر بنیاد خبرنامه، جاو شینگ گفته که عاملان این رویداد در تلاش «تخریب» روابط کابل و بیجینگ استند.
در یک هفتهی پسین، پنج شهروند چین در مرز افغانستان و تاجیکستان کشته شده اند.
