حامد کرزی، رییسجمهور پیشین افغانستان، حمله‌های پاکستان بر کنر و هلمند را «تجاوز» و نقض حاکمیت افغانستان دانسته است.
کرزی، امروز (پنج‌شنبه، ۹ میزان) در حساب کاربری‌اش در اکس نوشته که شهروندان افغانستان در برابر تجاوز بیرونی متحدانه از کشور شان دفاع می‌کنند.
رییسجمهور پیشین افغانستان، به سران پاکستان توصیه کرده که به جای فرافکنی و هدف‌قراردادن غیرنظامیان افغان، پالیسی‌های ستیزه‌جویانه و پلان‌های «خصمانه»ی شان را بازبینی کرده و از ترویج افراط‌گرایی و نفاق‌افکنی دست بردارند.
ارتش پاکستان بامداد امروز بخش‌هایی از کنر و هلمند را هدف حمله‌های هوایی قرار داد که در نتیجه‌ی آن، نُه تن «شهید» و ۱۱ زخمی شدند.
