امیرخان متقی، وزیر امور خارجهی امارت اسلامی، با هیئت عالیرتبهی تاجیکستان دیدار و گفتوگو کرده است.
وزارت امور خارجه، امروز (دوشنبه، ۲۶ عقرب) در خبرنامهای در اکس نوشته که متقی با هیئت تاجیکستان در بارهی تقویت روابط دیپلماتیک و همکاریهای اقتصادی گفتوگو کرده است.
بر بنیاد خبرنامه، وزیر خارجهی امارت اسلامی به هیئت تاجیکستان گفته که امارت اسلامی به دنبال گسترش روابط با این کشور است.
هیئت تاجیکستان نیز، اطمینان داده که این کشور و افغانستان میتوانند در عرصههای مختلف همکاریهای نزدیک داشته باشند.
هیئت عالیرتبهی تاجیکستان، دو روز پیش به هدف تقویت روابط سیاسی، اقتصادی و امنیتی با امارت اسلامی به کابل آمد.
