آلمان بیش از هفت میلیون دالر به افغانستان کمک کرد

بخش افغانستان دفتر هم‌آهنگ‌کننده‌ی کمک‌های انسان‌دوستانه‌ی سازمان ملل متحد (اوچا)، گفته که آلمان هفت میلیون و ۹۶۰ هزار دالر به این کشور کمک کرده است.

این نهاد، امروز (دوشنبه، ۲ سنبله) در اکس نوشته که این پول در بخش رسیدگی به نیازهای افراد آسیب‌دیده در افغانستان هزینه می‌شود.

اوچا، از کمک آلمان به شهروندان افغانستان قدردانی کرده است. پیش از این، شماری از کشورهای دیگر از جمله سویدن و ناروی نیز به افغانستان کمک کرده است.