مقام‌های محلی در بلخ، می‌گویند که محموله‌ی از کمک‌های انسان‌دوستانه اوزبیکستان برای پشتیبانی از شهروندان نیازمند افغانستان امروز (پنجشنبه، ۶ ثور) به بندر تجارتی حیرتان رسیده و به مقام‌های این ولایت تحویل داده شده است.
منابع، می‌گویند که این کمک‌ها شامل آرد، روغن، شکر، گندم و دو نوع گوشت است.
سلام‌وطندار را در تلگرام دنبال کنید
الوغ‌بیک قاسم‌اوف، والی ولایت سرخان دریایی اوزبیکستان، بر گسترش روابط میان اوزبیکستان و افغانستان تأکید می‌کند و می‌گوید که کشورش پشتیبانی‌اش از افغانستان را، ادامه می‌دهد.
او، می‌افزاید که اوزبیکستان برای توسعه‌ی اقتصاد افغانستان و بیش‌ترشدن روابط بازرگانی میان دو کشور تلاش خواهد کرد.
سلام‌وطندار را در اکس دنبال کنید
در سوی دیگر، محمد یوسف وفا، والی بلخ، در جریان تحویل‌گیری این کمک‌ها، می‌گوید که امارت اسلامی بر تقویت روابط خوب به کشورها به ویژه کشورهای منطقه متعهد است.
در بیشتر دو سال گذشته، اوزبیکستان، ترکمنستان، قزاقستان و شماری از کشورهای دیگر، محموله‌های از کمک‌های انسان‌دوستانه را به افغانستان فرستاده اند.
