طالبانو د تخار ینګيکلا او خواجهبهاوالدین ولسوالیو کې له لاسه ورکړې سیمې بېرته ونیولې.
د ینګيکلا ولسوالۍ یو شمېر اوسېدونکي وايي، د دې ولسوالۍ زوړ ښار د طالبانو په یو ډلهییز برید کې بېرته د دې ډلې لاس ته روغلی او له نورو سیمو د افغان امنیتي ځواکونه پرته له نښتې وتلي دي.
د دې ولسوالۍ د اوسېدونکیو په وینا، کهچېرې په کوکچه ماورايي ولسوالیو کې طالبان ونه ځپل شي؛ د هوا په ګرمېدو سره به طالبان نورې ډېرې سیمې هم تر ولکې لاندې راولي. ځايي اوسېدونکي اندېښنه ښيي چې حکومت د طالبانو د عمري ښارګوټي له نیولو او ورانولو وروسته طالبانو خبرداری ورکړی چې د ماورايي کوکچه ولسوالۍ بازارونه به له نیولو وروسته ویجاړ کړي.
دوی همداراز زیاتوي، یوازي عمري ښارګوټی د ګډو امنیتي ځواکونو تر ولکې لاندې دی او د طالبانو ځپلو په موخه عملیات هم درول شويدي.
خو د تخار د امنیت امر نظامالدین غوري بیا وايي، هغه سیمې چې ګډو امنیتي ځواکونو نیولې وې؛ اوس هم د هغوی په کنټرول کې دي.
ښاغلی غوري همداراز وویل چې دا عملیات به د طالبانو د وروستیو پټنځایونو تر شتونه دوام ولري.
تېرو څو ورځو کې د تخار، درقد، خواجهبهاوالدین او ینګيکلا ولسوالیو کې د ګډو امنیتي ځواکونو پوځي عملیاتو پرمهال، څو کلي د طالبانو له موجودیته پاک شويوو. دغو سیمو ته د طالبانو بېرته ورستنېدل ښيي چې د امنیتي ځواکونو پوځي عملیات دومره اغېز نهلرلو.
