افغانستان‌ده ییتکرمه‌لرنی حمایت قیلیش بیلن مشغول اداره (نی) اوزی‌نینگ ینگی نشر قیلگن گزارشی‌ده، افغانستان بویلب 10 خبرچی‌دن فقط بیر خبرچی معلومات‌گه قول تاپه‌دی دیگن.
بوگون کابل‌ده خبری انجمن اوتکزگن بو اداره نینگ اجراییه باشلیغی عبدالمجیب خلوتگرنینگ ایتیشیچه، اوشبو فکر اورگه‌نیشده 180 خبرچی (مملکت نینگ جمله 1.5% خبرچیلری) اشتراک قیلگن دیدی.
خلوتگر، معلوماتلرنی بیرمسلیک اوچون تورلی بهانه‌لر موجود دیگن. حکومت اداره‌لری نینگ مسووللری معلومات بیریش‌دن کوپراق باش تارته‌دی دیگن او.
نی اداره‌سی نینگ اجراییه باشلیغی، بو فکر اورگه‌نیش بیر آی ایچیده اوتکزیلگن دیگن. سوراو بدخشان، بامیان، بلخ، بغلان، فاریاب، غزنی، هرات، کابل، قندهار، کنر، لغمان، ننگرهار و تخار ولایتلریده اوتکزیلگن.
خلوتگر، حکومت خبری یییغنلردن تشقری هم معلومات بیریش‌گه تیار ایمس. حکومت معلومات بیرمسلیک یولیده‌گی هر قنده‌ی قیینچلیک نی کم آلمس لیگی ضرور.
اما، جمهور رییسلیک سرایی مطبوعات خذمتی نینگ سرپرستی شاه حسین مرتضوی نینگ بو حسابات توغریسیده عکس‌العمل بیلدیریب سلام‌وطندارگه ایتیشیچه: «مذکور حسابات معیاری ایمس» مرتضوی، حکومت خبرچیلر معلومات‌گه قول تاپیش اوچون بیرگن وعده‌سیگه دایم عمل قیله‌دی.
معلومات‌گه قول تاپیش قانونی قویاش 1393- ییلده نماینده‌لر مجلسی آرقه‌لی بیر آز اوزگریش کیلتیریش بیلن تصدیق لنگن ایدی. اما، هنوز حکومت نینگ بعضی بیر اداره‌لری بو توغریده معلومات‌گه ایگه ایمس.
