بوگون "شنبه" جمهورلیک ریاستی ایکینچی اورین باسری سرور دانش نینگ کابلده بیر خبری ییغین آرقهلی ایتیشیچه، افغانستان اهالیسی اوروش اصلی قربانلریدن دیر و تینچلیک سوزلشوولرده سهم بیریلیشی کیرهک.
اونینگ ایتیشیچه، طالبان گروهی اوروشدن قول تارتیب آتیشکیسینی قبول قیلمهگن صورتده، تینچلیک صحبتلری هیچقندی نتیجه بیرمهیدی.
اونینگ تاکید قیلیشیچه، آمریکا و طالبان سوزلشوولری آرقهلی، افغانستانده تینچلیک تامین ایتیلمهیدی.
جناب دانش نینگ جمهورلیک ریاستی سیلاویگه اشاره قیلیب ایتیشیچه، هرقندی شرایط ده جمهورلیک ریاستی سیلاوی نینگ یولگه قوییلیشی کیرهک، جمهورلیک ریاستی سیلاوی یولگه قوییلمهگن حالده، امارتی نظامنی تجربه قیلیشیمیز ممکن.
شونینگدیک، نمایندهلر کینگشی اعضالریدن بیرقطاری، تینچلیک سوزلشوولرده اهالی نمایندهلری نینگ حضوری بولمهگنیدن خواطر بیلدیرگنلر.
نمایندهلر کینگشی اعضاسی محمدعالم ساعی نینگ ایتیشیچه، اهالی نمایندهلری نینگ حضوری بولمهگن سوزلشوولر مشروعیتسیز دیر.
بیراق، نمایندهلر کینگشی اعضالریدن باشقه بیری یاربازخان نینگ ایتیشیچه، اهالی اوروش و ناتینچلیکدن خسته بولگن، تینچلیک ایستهیدی.
ایتیلیشیچه، آمریکا و طالبان نمایندهلری آرهسیده بولگن تینچلیک سوزلشوولرنینگ 7- دوری وقفهیی شکلده دوام قیلماقده. گزارشلرگه کوره، تینچلیک سوزلشوولرنینگ 7- دوریده ایکی تامان قطار بیللی موضوعلر خصوصیده کیلیشگن دیر.
