جوزجانده حربی کوچلر آره‌سیده نطق سوزله‌گن جنرال عبدالرشید دوستم، طالبان بیلن تینچلیک قیلینگنده داعش گروهی صحنه گه کیلیشی دن خواطر بیلدیرگن.
افغانستان جمهورلیک ریاستی بیرینچی اورین باسری جوزجان نینگ درزاب تومنیده داعش گروهی یاشیرین شکلده فعالیت گه باشلگنیدن خبر بیرگن. جناب دوستم کیم‌سه دن آت توتمه‌ی ایتیشیچه، مذکور گروه نینگ حامی‌لری هم تانیلگن.
جمهورلیک ریاستی بیرینچی اورین باسری جنرال عبدالرشید دوستم، کمیده بیر آیدن بویان جوزجانده حیات کیچیره‌دی. اوتگن کون کیچ قورون حربی کییم بیلن جوزجان مرکزی شبرغان شهریده یوزلرچه حربی عسکر، ملی پولیس قومندانلری، محلی پولیس و مردمی کوچلر آره‌سیده نطق سوزلب ایتیشیچه، بو موضوع نی جمهور رئیس غنی بیلن هم شریک قیلیب و اونگه طالبان گروهی بیلن تینچلیک قیلینگنده داعش گروهی صحنه گه چیقیش احتمالی نی بیلدیرگن.
جوزجان پولیس قومندانی هم جمهورلیک ریاستی بیرینچی اورین باسری نینگ سوزلرینی تصدیق‌لیدی. جوزجان پولیس قومندانی عبدالواحد وجدان نینگ ایتیشیچه، درزاب تومنیده داعش گروهی چیت‌ایللیک مصلحتچی‌لری بیلن یاشیرین شکلده فعالیت گه باشله‌گن، بیراق حاضرگچه رسمی شکلده موجودیتی نی اعلان قیلمه‌گن.
.jpg)
عین حالده، جوزجان پولیس قومندانی نینگ ایتیشیچه، امنیتی کوچلر مذکور ولایت نینگ هر بیر بولیمی‌ده عصیانچی گروهلرنی نابود قیلیش اوچون تیارگرلیک آلگن.
جمهورلیک ریاستی بیرینچی اورین باسری آگاه‌لنتیریب ایتیشیچه، تیزلیک‌که امنیتی کوچلر قربانلری نینگ انتقامینی آله‌دی و طالبان و داعش گروهلریگه کیسکین شکلده جواب بیره‌دی.
جناب دوستم بوندن آلدین بلخ ده جایلشگن 209 شاهین قول اردو قومندانی نینگ شمال خوفسیزلیگی‌نی تأمین‌لش‌ده کوچسیز دیب و ایتیشیچه، جوزجان، فاریاب، سرپل و بلخ ولایت‌لریده ناتینچلیک‌لر کونسایین کوپه‌یماقده.
شونینگدیک، او مملکت شمالی ولایت‌لریده بولگن خوفسیزلیک و باشقه قیین‌چیلیک‌لرنی جمهور رئیس بیلن شریک قیلگنینی بیلدیرگن و بو توغریده ایجابی جواب قولگه کیریتمه‌گن صورتده، اهالی بیلن قرار آلیشی ممکن.
شو توغریده…
دوستم: 209 شاهین قول اردو قومندانی شمال خوفسیزلیگی‌نی تأمین قیله آلمه‌یدی
