جمهورلیک ریاستی نامزدلر کینگشی، بیر خبرنامه ترقهتیب جاری ییل، 1- جوزا ده ملی بیرلیک حکومت ایشی یکونلنیشی اوستیگه تأکیدلب ایتیشیچه، «افغانستان اسلامی جمهوریت توزومی اساسیده سرپرست حکومت» ریجهسی موجود وضعیتدن چقیش اوچون ایکی منطقی ورینتده نظرگه آلینگن.
اوشبو ریجهنی بیرینچی ورینتی ده ایتیلیشیچه، حاضرگی جمهور رئیس جمهورلیک ریاستی گه اوز نامزدلیگیدن وازکیچگن صورتده، شرطسیز شکلده جاری ییل، 1- جوزا دن کیین هم «حکومت سرپرستی» صفتیده سرپرستلیک مهلتی یکونلنگونگهقدر ایشی گه دوام بیرهآلهدی.
مذکور کینگشنی خبرنامهسیده کیلیشیچه، بو ورینت جمهور رئیس نینگ حاضرگی اورین باسرلری توغریسیده هم صدق قیلهدی و اولر هم سیلاو تیرمه جماعهلریدن وازکیچگنلری صورتده، سرپرست حکومت اورین باسرلری صفتیده ایشلریگه دوام بیرهآلهدیلر.
اوشبو ریجهنی ایکینچی ورینتی ده ایتیلیشیچه، بیرینچی ورینت عملگه آشمهگن حالده، جمهورلیک ریاستی نامزدلری، قانونی شرایطگه ماس ایرکین شخصیتلر، عدلیه وزیرلیگیده رویخطده آلینگن ادارهلر و سیاسی حزبلر تامانیدن ملی و ارادهلی کیشیلر تانیشتیریلهدی و اولر ایسه اوزلرینی حکومت سرپرستلیگی اوچون نامزد قیلهآلهدی.
خبرنامهده حکومت سرپرستلیگی اوچون جمهورلیک ریاستی نینگ حاضرگی نامزدلرینی نامزدلیگی توغریسیده ایتیشیچه، اوشبو نامزدلر حکومت سرپرستلیگی اوچون اوزلرینی نامزد قیلگن صورتده، جمهورلیک ریاستی نامزدلیگی دن وازکیچیشلری کیرهک.
جمهورلیک ریاستی نامزدلر کینگشی نینگ ایتیشیچه، بو ورینتده درج ایتیلگن نامزدلر آواز آلیش اوچون بویوک بیر سیاسی کیلیشووگه تانیشتیریلیب و اوز ریجهلرینی کیلیشووگه ارایه قیلیب و آواز قولگه کیریتهدیلر.
اوشبو ریجهده کیلیشیچه، کوپینچه آواز قولگه کیریتگن نامزد حکومت سرپرستی صفتیده تعیین ایتیلیب و اساسی قانون نینگ 63- مادهسی اساسیده آنت ایچهدی و بو طریقه سرپرستی حکومت نینگ اورین باسرلری توغریسیده هم عملگه آشیریلهدی.
شونینگدیک، جمهورلیک ریاستی نامزدلر کینگشی ریجهسیده کیلیشیچه، سیلاو تیرمه جماعهلریگه شامل سیاسی حزبلرنینگ آوازلری سیلاو تیرمه جماعهلری آرقهلی تصدیقلنهدی.
افغانستان جمهورلیک ریاستی نامزدلر کینگشی، اوشبو ریجه اداغیده آگاهلنتیریب ایتیشیچه، «ملی بیرلیک حکومت رهبرلری اساسی قانون و مملکت ملی منفعتی گه قرشی ناقانونی شکلده جاری ییل، 1- جوزا دن کیین ایشی گه دوام بیرگن صورتده، اوشبو ناقانونی حرکتدن چیققن نتیجهلرنی مسؤولیتی حکومت نینگ حاضرگی رهبرلری و دولتی ادارهلرنینگ بیرینچی درجهلی رسمیلری بوینیگه بولهدی.»
جمهورلیک ریاستی نامزدلر کینگشی نینگ بو ریجهسی توغریسیده جمهورلیک ریاستی حاضرگهقدر عکسالعمل بیلدیرمهگن، بیراق جمهورلیک ریاستی سوزلاوچیسی اورین باسرلریدن بیری شاهحسین مرتضوی، نشر ایتیلگن خبرنامه گه عکسالعمل اوز فیسبوک صحیفهسیده یازیشیچه، «جمهورلیک ریاستی نامزدلر کینگشی گه اساسی قانون نی دقیق شکلده اوقیب چیقیشی توصیه قیلینهدی.»
شو توغریده…
«1- جوزا دن سونگ، غنی گه جمهورلیک ریاستی مقامیده قالیشگه رخصت بیرمهیمیز»
