ملی بیرلیک حکومت اجراییه باشلیغی نینگ ایتیشیچه، جمهورلیک ریاستی سیلاوی نامزدلری، سیلاو یولگه قوییلیش شرایطی و سیلاو کمپاینی اوچون دولتی امکانیتلر سوءاستعمال بولیشیدن خواطرلنماقدهلر.
بوگون «دوشنبه» وزیرلر کینگشی ده نطق سوزلهگن اجراییه باشلیغی عبدالله عبدالل هنینگ ایتیشیچه، جمهورلیک ریاستی سیلاوی یولگه قوییلیشی خصوصیده ییترلیچه تدبیر آلینهدی و حکومتی بیر مسؤول صفتیده سیلاو کمپاینلری گه دولتی امکانیتلر سوءاستعمال ایتیلیشی گه توسیق بولهدیگن هر بیر ریجهدن حمایت قیلهدی.
اجراییه باشلیغی، جمهورلیک ریاستی سیلاوی یولگه قوییلیشی اوچون ملی بیرلیک حکومت تامانیدن بیریلگن سوز اوز جاییده بولگنی اوستیگه تأکیدلب ایتیشیچه، سیلاولر ایرکین کمیسیونی حکومت بیلن بیر ریجهنی شریک قیلگن. شونینگدیک، جناب عبدالله سیلاولر ایرکین کمیسیونی دن برنامهلری و ایشلرینی زمان جدولی اساسیده چقانلشتیریشینی سورهگن.
اجراییه باشلیغی نینگ ایتیشیچه، طالبان گروهی اوروش دوامی گه تأکیدلب تورگن بیرچاغده، حاضرگچه تینچلیک خصوصیده عملی آدیملر کوتریلمهگن.
جناب عبدالله گه کوره، طالبان گروهی روزه آیی جریانیده آتیشکیسین ایستهگینی رد قیلگن و اوروش هم دوام ایتماقده.
ایتیش کیرهک کیم، تینچلیک مصلحتی قورولتای اعضالری، کمیده ایکی هفته آلدین 23 مادهلیک بیر شرطنامه صادر قیلیب طالبان گروهی دن روزه آیی جریانیده آتیشکیسین قیلیشینی طلب قیلدی، بیراق طالبان گروهی روزه آیی جریانیده آتیشکیسین ایستهگینی رد قیلیب و بو آیده هجوملریگه دوام بیردی.
