بیر قنچه سیاسی و حربی تحلیلچیلر، روسیه وایران داعشجانلنمسلیگی اوچون طالبلرنی شمال اینیقسه قندوز ولایتیده حمایت قیلهدی دیگنلر. بو تحلیلچیلر، قندوز اوروشی تشقریدن حمایت ایتیله دیگنی اوچون حکومت نینگ ادارهسیدن چیققن لیلیگنی تیلگه آلگنلر.
قندوز اوروشی آرتیده تشقی وایچکی عامللری بار دیگن حربی تحلیلچی کابل خان تدبیر. مذکور ولایت روسیه اوچون مهم ایشیک حسابلنهدی دیدی جناب تدبیر. اونینگ سوزلریگه قره گنده، قندوز اوروشی روسیه امریکانی باسیم آستیگه آلیش اوچون مهم بیرنقطه دیر. شونینگدیک شمالدهگی اوروش توغریدن توغری روسیه نینگ حلب اوروشی بیلن علاقهسی بار دیدی کابلخان تدبیر. شوکبی سوریهدهگی جاری اوروش توغریسیده امریکا بیلن روسیه نینگ علاقهسی آلدین کوره بیر آز ترهنگلشگن. روسیه ایسه سوریهده بشارالاسدنی حمایت قیلهدی و امریکا ایسه اونینگ مخالفلرینی دستکلیدی.
شونینگدیک جناب تدبیر، روسیه و ایران فقط قندوز ایمس بلکه بوتون افغانستانلیک طالبلر بیلن علاقهسی بار دیدی. جنگری طالبلر روسیه و ایران آرقهلی حمایت بولیب، حربی ساحهده بو مملکتلر ادارهسی آستیده مشق کوره دیلر دیگن جناب تدبیر.
اونینگ ایتیشیچه، قندوز مسوولیتسیز قوراللی گروهلر اوزینی سینش اوروش میدانیگه ایلنگن. ایریم گروهلر شخصی منفعتلری اوچون قندوز ده اوروش دوام ایتیشینی ایستیدیلر.
قندوز ولایتیدهگی جاری اوروشده روسیه و ایران رولی بارلیگینی هیچ قچان رد قیلیب بولمسلیگینی تصدیق ایتگن جاوید غفور، قوراللی طالبلر اختیاریده بولگن زمانوی حربی انجاملر همده افغان ملی کوچلری مقابلیده کته کوچگه ایلنگن لیگی بو حرکت تشقی مملکتلر آرقهلی حمایت ایتلیشینی کورستهدی دیگن.
دولتنی قندوز و باشقه شمالی ولایتلرده اوروش ادارهسینی قولدن بیرگنلیکده عیب لهگن مدنی فعال سمیع درهیی، قندوزدهگی حاضرگی اوروش تشقی مملکتلر آرقهلی حمایت ایتیلیشی اوچون هیچ قندهی شک شبهه یوق دیدی.
اما، افغانستان ملی مدافعه وزیرلیگینینگ سوزلاووچیسی دولت وزیری، دولت بیلن اوروش قیله دیگن جنگریلر ایچیده چچنی، اوزبیک، اویغور و پنچابلیک عصیانچیلر بارلیگینی تیلگه آلگن. وزیری، اوشبو اوروش ایران و روسیه آرقهلی دستکلهنیب طالبلرگه قورال اسلحه ترقهتیب بیریشی حقیده معلومات یوق دیدی.
قوراللی طالبلر و باشقه گروه لر قولیده کلاشنیکوف روسوملی قورال – ییراق بولیشی بولر ایران و روسیه تامانیدن دستلکلهنیش معنیده ایمس دیدی جناب وزیری.
قندوز چمهسی بیر هفته آلدین دولت قوراللی مخالفلری آرقهلی تصروف ایتیلدی. ارووش جریانیده اهالیگه کته زیان ییتگن لیکدن تشقری مینگلب خانهدان یشش اوی جایلرینی ترک قیلیب قوشنی ولایتلرده باش پنه ایزلهدیلر. عین حالده، مملکت نینگ قطار ولایتلری جمله دن هلمند و فراه ولایتلریده هم آغیر اوروش دوام ایتماقده.
